contact

CB Trun/Rabius

Caum postal 153

7166 Trun

+41 78 789 74 36

secretari@cb-trun-rabius.ch 

 

© 2018 by cb-trun-rabius.ch

cun pissiun per treis puncts

La sonda ha la secunda il CB giugau a Vella encunter Lumnezia. A caschun da quei giug ha l'equipa stuiu desister sin numerus giugadurs. Consequentamein spitgava in difficil giug sin il CB.

Cun tutta curascha entscheiva il CB il giug sco el ha terminau il davos giug, numadamein cun pissiun e battaglia in per l'auter. Ellas empremas minutas vegn Lumnezia adina puspei tier schanzas. La defensiun vegn denton en collaboraziun cul goli Gian Carlo da sclarir tut las acziuns. Il CB che gioga pli defensiv che usitau controllescha pli u meins il giug vegn denton strusch tier schanzas. Bia gadas gartegia il davos e decisiv pass buca. Cuort avon pausa vegn il CB tier in culp liber. Quel setta il Roman ella da sedisch nua ch'il Damian vegn da stuschar il bal sur lingia. Cun il resultat dad 1-0 fan las equipas pausa da te.

La secunda mesadad va vinavon sco l'emprema. Suenter biebein 60 minutas cuora il Severin viers il gol e croda per tiara. Igl arbiter studegia buca ditg e muossa sil punct da penalti. Il Fabian pren il bal e setta il CB cun 2-0 en avantatg. Suenter biebein 75 minutas marchescha il Gino en siu emprem giug suenter ina pausa da bunamein 3 onns il 3-0 per il CB e quei grazia a sias combas spertas. 

Lumnezia vegn buca pli da reagar. Tuttina setta Lumnezia cun in penalti aunc il gol da honur. Aschia gudogna il CB cun 3-1. 

Ins astga esser loschs sin quella grondiusa prestaziun da tut ils giugadurs. Igl ei stau exemplaric sco tuts ein marschai in per l'auter. Il davos giug dil campiunadi gioga la secunda proxima sonda a Trun. Quei giug vul l'equipa per tut prezi gudignar.

bènaltè! - il magazin dil cb

   
1. ediziun - 2016   2. ediziun - 2017   3. ediziun - 2018