proxims giugs

19-10-2019, 16:00 CB Trun/Rabius II - FC Sargans IIb
20-10-2019, 15:00 CB Trun/Rabius I - FC Buchs I
  • funcziunaris

    president Otto Beer +41 79 610 54 21 This email address is being protected from spambots. You need JavaScript enabled to view it. cassier
    Read More
  • 1. equipa

    giugadurs #1 Andri Nay #12 Mauro Alig #2 Orlando Monn
    Read More
  • 2. equipa

    giugadurs #1 Flavio Schuoler #15 Silvan Cajacob #2 Christof Derungs
    Read More
  • trenaders

    1. equipa Donat Albin (C) +41 78 602 57 77
    Read More
  • juniors

    juniors A - IG Surselva a Grp. (Coca-Cola-League) juniors B2 - IG
    Read More
  • seniors

    Bei den Senioren ist jeder willkommen der das fussballerische Seniorenalter
    Read More

dau mo ina mesadad

La dumengia ha l'emprema equipa gastau per l'emprema ga ella RaiffeisenArena a Schluein. Suenter in'emprema mesadad d'emblidar pils da Trun/Rabius, han els la finfinala entschiet a dar bal suenter pausa. Ei ha denton buca tunschiu per dapli ch'in gol. 

Punctualmein las 16:00 uras dat igl arbiter liber il giug el stadion a Schluein, quei dad aura plitost scardalida. L'equipa da Schluein-Glion muossa ch'ella ei gia naven dall'entschatta promta per quei giug; ils giugadurs dil CB perencunter ein duront certas fasas dall'emprema mesadad plitost absents. Ei maunca en fasas igl engaschi, il vuler e la cleverness. Memia savens piardan els il bal muort sbagls individuals e munconza da concentraziun. Per consequenza ei l'equipa la gronda part dil temps mo vid defender. Che quei sa buc ir bein sur liung temps semuossa era a Schluein avon ina biala culissa. Suenter ina corna vegn in adversari libramein tiel bal e setta quel cul tgau vi ella crusch - 1:0 pil caucasa! 

Avon pausa vegn Trun/Rabius sulettamein tier ina buna schanza, quei suenter ch'ins ha inaga saviu far spert il giug dalla vart seniastra siadora. Il goli da Schluein ha denton enzatgei encunter e salva sia equipa. Cuort avon ch'igl arbiter schula per la pausa, cassescha il CB il secund cuntergol. Suenter ch'ils nos piardan il bal, vegn Schluein da far spert. Cun in bi pass liung ella gassa vegn in attaccader da mitschar, survescha siu congiugadur e lez ha negina miseria da stuschar il bal sur la lingia. Cun quei resultat va ei la finfinala ella cabina - nua ch'ei vegn in tec pli dad ault...

Ils plaids dils trenaders paran dad haver fatg vegnir neunavon l'equipa suenter pausa. Ils giugadurs semuossan numnadamein dad ina vart totalmein differenta ed il giug meina per 180°. Evtl. ha quei da far cul fatg che Schluein menava gia cun dus gols ed era buca dispet sfurzaus da far dapli pil giug. En mintga cass reussescha ei al CB da marcar il 2:1, quei gia ella 50avla minuta entras ia bi pass ella gassa ed in techet cletg. Ei resta pia aunc avunda temps per egalisar ni schizun sittar in gol dapli ch'ils da Schluein. 

Duront la secunda mesadad vegnan ils hosps tier ina pluna bunas schanzas da marcar il secund gol; seigi quei entras in culp liber ord ina posiziun empermettenta, ina collisiun cul goli che vegn buca schulada eav. La megliera schanza survegn Trun/Rabius denton ella 90avla minuta. Damian Mazzetta pren encunter perfetgamein in pass, semeina e stat cuninaga tut persuls avon il goli. Sco ils davos giugs denton era, maunca la davosa perschuasiun ed il cletg da sittar in gol. Aschia spiarda l'emprema equipa il proxim giug e quei cun 2:1 a Schluein. 

 

  • bènaltè!

    bènaltè! 2018 - 3. ediziun Miez uost ei la tiarza ediziun dil bènaltè! cumparida. Ils habitonts dallas vischnauncas Sumvitg e Trun
    Read More
       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch