contact

CB Trun/Rabius

Caum postal 153

7166 Trun

+41 78 789 74 36

secretari@cb-trun-rabius.ch 

 

© 2018 by cb-trun-rabius.ch

ina terrada a casa

La sonda sera ha l'equipa da Bogn Ragaz visitau Trun per semesirar cun la secunda dil CB. Il CB era optimistics per quei giug suenter las duas victorias encunter Tavanasa e Sedrun.

 

Cun praticamein la medema equipa sco el giug encunter Sedrun entscheiva il CB il giug. Gia suenter duas minutas astga il Gian Carlo pescar il bal ord il gol. Allura d'in corner vegnan ils giugadurs dil CB buca da sittar naven il bal e Bogn Ragaz setta cun in volley igl 1-0. Puspei dorma il CB las empremas minutas! Ell'emprema mesadad han ils da Trun grondas miserias encunter l'equipa da Bogn Ragaz che gioga fetg agressiv. 

Suenter pausa vegn il CB meglier el giug e dominescha per gronda part. Deplorablamein vegn il CB buca da nezegiar las schanzas. Cuort avon la fin cassescha il CB il secund gol allura d'ina flanca. Mo duas minutas pli tard setta Bogn Ragaz naven dil punct dad 11 meters il tierz gol.

Bogn Ragaz ha nezegiau las 3 schanzas e sittau cun talas 3 gols ed il CB ha puspei inagada stuiu constatar ch'il sittar gols ei buca sia fermezia.

bènaltè! - il magazin dil cb

   
1. ediziun - 2016   2. ediziun - 2017   3. ediziun - 2018