pausa d'unviern

Muort il virus da corona ei la sesiun d'atun 2020 vegnida strihada. Nus sevesein speronza puspei la primavera 2021 sil plaz da bal! 

ina trumpada

La sonda vargada ha la secunda dil CB giu igl emprem giug dalla runda da primavera. Cun gronda motivaziun e suenter prudents trenaments preparatorics eran giugadurs e trenaders optimistics per igl emprem giug encunter Panaduz.

Avon pausa ha l'equipa da Bruno Steiner e Rico Tiri enta maun il giug e vegn tier schanzas, denton era Panaduz ha pliras schanzas. Panaduz vegn oravontut tier schanzas muort sbagls dil CB. Deplorablamein sto il CB terminar l'emprema mesadad cun in cuntergol. Ella 45avla minuta setta Panaduz igl emprem gol dil giug.

Cuort suenter pausa survegn Panaduz in culp liber. Il culp liber ord biebein 20 meters sgola tuppamein diretamein da chista en. Il CB sa buca sco reagar sin quei secund gol e piarda il fil tgietschen. Enteifer cuort temps astga il goli dil CB purtar treis gadas il bal ord gol. Cun in bi culp liber setta Kevin Albin ella 75avla minuta il sulet gol per ils da Trun. Per teminar il giug setta Panaduz aunc in gol.

L'equipa dil CB ha trumpau e sto reagar sin quella prestaziun. Gia gievgia han ils giuvens dalla secunda ina schanza da mussar ina reacziun sin quei debachel a Mutteins el derbi encunter US Danis/Tavanasa. 

       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch