proxims giugs digl atun 2022

3. ligia:  06-08-2022, 18:00 a Celerina FC Celerina 1 Grp. - CB Trun/Rabius 1 Grp.
  4. ligia: 21-08-2022, 16:00 a Tavau FC Tavau 1 US Danis-Tavanasa 2 Grp.
5. ligia: 20-08-2022, 19:00 a Mutteins US Danis-Tavanasa 3b Grp. - CB Trun/Rabius 3a Grp.

negins gols a pustget

Rapportar da partidas senza gols ei adina in tec pli grev che d’astgar scriver d’ina partida cun dabia gols. Dus gols eran zuar quei di sil plaz a Pustget, denton han negins bals anflau la via en tals. Landquart surlai l’entschatta a Trun/Rabius da surprender l’iniziativa dil giug. Quei gartegia all’equipa da casa plitost mediocher. Il bal circulescha ellas atgnas retschas, denton para tut in tec «pomadic» quei di. Suenter biebein mes’ura denton la schanza per Trun/Rabius d’ir en avantatg. Clau Berther vegn frenaus ella da sedisch cun in foul aschia ch’ei dat penalti. Patrizio Decurtins pren il bal, Matthias Priebs parescha denton siu ferm siet.

Suenter pausa il medem maletg; Trun/Rabius ha dapli il bal e Landquart emprova plitost entras conters e cunzun cun lur dus sperts giugadurs sin las alas da vegnir tier schanzas. La megliera schanza munchenta Clau Berther cun in ferm siet a bas, il secund goli da Landquart – ch’ei vegnius midaus en da pausa – parescha denton suveranamein quei siet ord cuorta distanza. Pauc pli tard vegnan Daniel Pfister e Gianin Derungs medemamein tier bunas schanzas, mo il bal ha quei di pauc tschaffen dad ir ella reit. La megliera schanza per Landquart sedat cuort avon la fin ord ina malcapientscha denter Mauricio Cathomas e Ramon Orlik che fa star eri in mument il cor da trenaders ed aspectaturs, mo Trun/Rabius metscha aunc inaga cun la tema. Alla fin ei il pari gests, tuttina han ins il sentiment che cun in tec dapli «gnagn» havess Trun/Rabius saviu gudignar quei giug, aschia ch’igl ei pil scribent plitost dus puncts spiars ch’in gudignau.

 

informaziuns: 3. ligia gruppa 1; Trun/Rabius - Landquart 0:0; Pustget, Trun – 250 aspectaturAs

gols: negliu d’anflar

Trun/Rabius: Mauricio Cathomas; Damian Schmed, Livio Janka, Ramon Orlik, Sandro Orlik (88. Clau Berther); Daniel Pfister (67. Mirco Pfister), Denis Monn (72. Fabio Caduff), Salvatore Stagliano, Clau Berther (79. Silvan Muoth); Patrizio Decurtins, Gianin Derungs

Landquart: Matthias Priebs; Men Hermele, Renato Oswald, Marco Mittner, Miro Niederer; Marc Pirovino, Sandro da Costa Rodrigues, Noé Niederer, Marius Willimann; Betim Salihi, Mirco Fausch

remarcas: Trun/Rabius senza Remo Alig, Beat Cadruvi, Mathias Flepp, Orlando Monn

       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch