proxims giugs digl atun 2021

3. ligia:  24-10-2021, 15:00 a Pustget CB Trun/Rabius 1 Grp. - FC Landquart 1
4. ligia: 20-10-2021, 20:15 a Mutteins US Danis-Tavanasa 2 Grp. - US Schluein Glion 2

ina classa memia aulta

Trun/Rabius entscheiva curaschus la partida e va gia ella 7. minuta en avantatg suenter in penalti da Patrizio Decurtins. Mo quei eisi lu era gia stau cun la gloria quei di el cantun S. Gagl. Silsuenter surpren Eschenbach dil tuttafatg il dictat dil giug. Ella 17. minuta arva Kaan Polat la cuppa da Pandora cun igl emprem gol per Eschenbach. Paucas minutas pli tard il secund gol suenter ina situaziun da standard entras Nicola Brunner – ed ella 32 minuta il 3:1 entras Javier Bolliger. Quei che munta lu era il resultat suenter 45 minutas.

Tut il prender avon da pausa da tener il resultat schi ditg sco pusseivel gida nuot. La lontschetta gronda dall’ura ei buc ida duas ga entuorn che Kaan Polataulza sin 4:1. Quei gol gia schi baul ei naturalmein tissi per la morala dall’equipa dalla Cadi. Denter la 60. e 65. minuta vegn ei aunc mender per il CBTR; Robert Stojanov, Mentor Gojani e Sandro Vigini midan il resultat sin 7:1. Legreivlamein anfla Trun/Rabius silsuenter puspei meglier el giug e vegn entras Livio Janka e suenter danovamein in penalti tier il secund gol. Mo Eschenbach vul dispet sittar il davos gol dalla partida, quei che gartegia era ella 90. minuta entras Robert Stojanov. Cunquei ha Eschenbach sittau els davos dus giugs 15 (!) gols e mussau instantamein lur ambiziuns da turnar immediat puspei en 2. ligia. En tuts graus – spertadad, atletica, automatissems, tecnica – ei l’equipa da S. Gagl stada ina classa memia aulta quei di per Trun/Rabius. Per igl aspectatur neutral bellezia ballapei da suandar, per il cronist cun saung da Trun/Rabius denton ina tortura.

 

informaziuns: 3. ligia – gruppa 1; FC Eschenbach - CB Trun/Rabius 8:2 (3:1); Eschewies, Eschenbach – 130 aspectaturAs

gols: 7. Patrizio Decurtins (penalti) 0:1, 17. Kaan Polat 1:1, 24. Nicola Brunner 2:1, 32. Javier Bolliger 3:1, 47. Kaan Polat 4:1, 60. Robert Stojanov 5:1, 61. Mentor Gojani 6:1, 65. Sandro Vigini 7:1, 81. Livio Janka (penalti) 7:2, 90. Robert Stojanov 8:2

Trun/Rabius: Mauricio Cathomas; Damian Schmed, Livio Janka, Mathias Flepp, Sandro Orlik; Beat Cadruvi (46. Fabio Caduff), Denis Monn (72. Silvan Muoth); Remo Alig (46. Clau Berther), Patrizio Decurtins (68. Daniel Pfister), Salvatore Stagliano; Gianin Derungs (72. Remo Alig)

Eschenbach: Raffael Riger; Timon Keller, Nicola Brunner, Ramon Grob, Silvan Aranda; Javier Bolliger, Dominik Hinder, André Hefti; Mentor Gojani, Kaan Polar, Sandro Vigni

remarcas: Trun/Rabius senza Orlando Monn, Ramon Orlik, Mirco Pfister

       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch