proxims giugs digl atun 2021

3. ligia:  24-10-2021, 15:00 a Pustget CB Trun/Rabius 1 Grp. - FC Landquart 1
4. ligia: 20-10-2021, 20:15 a Mutteins US Danis-Tavanasa 2 Grp. - US Schluein Glion 2

trumpada per trun/rabius

Egl emprem derbi romontsch da questa sesiun vegn l’equipa da casa pauc surprendent meglier a frida l’entschatta dalla partida cun il plaz pign a Tinizong. Suenter entginas minutas anflan ils hosps da Trun/Rabius denton meglier ella partida ed entscheivan a controllar il giug. La megliera caschun munchenta Gianin Derungs per pauc. Ei resta denton tier il 0:0 las empremas 45 minutas. Suenter pausa anfla il CB Surses anavos ella partida e va ella 51. minuta en avantatg entras Julian Jenal. Ina curiosa e zun dispiteivla situaziun meina tier il 2:0 per Surses. In giugadur da Surses blochescha in giugadur da Trun/Rabius e dat aschia liber la via ad in collega d’equipa per dar il pass ella da sedisch a Manuel Simone nua che lez sto mo stuschar il bal ella reit. Interessantamein survegn quei giugadur che ha bloccau il giugadur da Trun/Rabius uss la carta melna; cun auters plaids tanghescha igl arbiter quella situaziun avon il gol pia sco foul – il gol lai el tuttina valer. Quei meina capeivlamein a grondas protestas tier l’equipa dalla Cadi. Mo tut il reclamar gida nuot – il gol vala.

Las davosas secundas vegn il CBTR aunc da scursanir entras Patrizio Decurtins suenter in penalti dispiteivel. La decisiun digl arbiter freda fetg suenter ina cumpensaziun dil sbagl tier il 2:0. Mo il gol vegn naturalmein memia tard, aschia ch’ils treis puncts restan a Surses. Per Surses segir in grond success e per Trun/Rabius ina gronda trumpada.

 

informaziuns: ligia – gruppa 1; CB Surses - CB Trun/Rabius 2:1 (0:0); Plaza d’ava, Tinizong – 70 aspectaturAs

gols: 51. Julian Jenal 1:0, 78. Manuel Simone 2:0, 92. Patrizio Decurtins 2:1

Trun/Rabius: Mauricio Cathomas; Damian Schmed, Livio Janka, Ramon Orlik, Sandro Orlik; Clau Berther (61. Robin Monn), Mathias Flepp, Denis Monn (69. Beat Cadruvi), Orlando Monn (44. Salvatore Stagliano); Gianin Derungs (80. Denis Monn), Patrizio Decurtins

Surses: Niclo Devonas; Gianluca Augustin, Robin Demarmels, Nino Farrér, Linard Augustin; Corsin Carisch, Enrico Carisch, Mauro Simonet, Adriano Simone; Manuel Simonet, Julian Jenal

remarcas: Trun/Rabius senza Remo Alig, Silvan Muoth, Daniel Pfister, Mirco Pfister

       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch