proxims giugs digl atun 2021

3. ligia:  24-10-2021, 15:00 a Pustget CB Trun/Rabius 1 Grp. - FC Landquart 1
4. ligia: 20-10-2021, 20:15 a Mutteins US Danis-Tavanasa 2 Grp. - US Schluein Glion 2

trun/rabius volva la partida

La partida da Cuppa svizra entscheiva ideal per l’equipa da casa. Gia suenter 5 minutas va Trun/Rabius entras Damian Schmed suenter ina corna en avantatg. Mo quei eis ei lu era stau per l’equipa dalla Cadi; silsuenter surpren Altstätten pli e pli la bitgetta dil giug. Mergim Osmani para da sesentir bein quei di a Pustget e setta avon pausa in schuber hattrick per l’equipa dil cantun S. Gagl, aschia ch’il resultat munta suenter 45 minutas ad 1:3 per Altstätten. Il CBTR reagescha cun Gianin Derungs e Clau Berther ed ina midada da sistem. Quei porta beinspert fretg e Gianin Derungs marca a moda a maniera sco mo el sa far ei il secund gol per l’equipa da casa. Trun/Rabius ei uss anavos el giug e muossa ina tut autra prestaziun che avon pausa. Quei meina ella 65. minuta tier il 3:3 entras Patrizio Decurtins. E sis minutas avon la fin vegn ei aunc meglier: Gianin Derungs vegn lantschaus cun in bi pass e setta il CBTR en avantatg. Malgrad che Trun/Rabius sto ellas davosa minutas aunc midar il goli vegn Altstätten buc pli da reagir, aschia che Trun/Rabius ei ina runda vinavon ella Cuppa svizra.

Facit dil giug: Avon pausa ina miserabla e suenter pausa ina grondiusa prestaziun. Per ils aspectaturs segir fetg interessant – per ils trenaders perencunter da piarder gnarva.

 

informaziuns: Cuppa svizra – 1/16-final; CB Trun/Rabius – FC Altstätten 4:3 (1:3); Pustget, Trun – 120 aspectaturs

gols: 5. Damian Schmed 1:0, 10. Mergim Osmani 1:1, 36. Mergim Osmani 1:2, 39. Mergim Osmani 1:3, 49. Gianin Derungs 2:3, 65. Patrizio Decurtins 3:3, 84. Gianin Derungs 4:3

Trun/Rabius: Mauricio Cathomas (79. Robin Monn); Damian Schmed, Livio Janka, Ramon Orlik, Sandro Orlik; Mathias Flepp, Denis Monn; Mirco Pfister (46. Clau Berther), Silvan Muoth (46. Gianin Derungs), Orlando Monn; Patrizio Decurtins

Altstätten: Drilon Demiri; Loris Liiro Peluso, Baris Civez, Simon Eugster, Noah Zünd; Neil Eugster, Manuel Stüdli, Kevin Steiger, Maurin Brülisauer; Mergim Osmani, Sahin Irisme

remarcas: Trun/Rabius senza Remo Alig, Beat Cadruvi, Daniel Pfister, Salvatore Staglianò, cornas: Trun/Rabius 4, Altstätten 6

       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch