proxims giugs digl atun 2021

3. ligia:  24-10-2021, 15:00 a Pustget CB Trun/Rabius 1 Grp. - FC Landquart 1
4. ligia: 20-10-2021, 20:15 a Mutteins US Danis-Tavanasa 2 Grp. - US Schluein Glion 2

trun/rabius cun ils proxims 3 puncts

Gest treis giugadurs ein seblessai el davos giug encunter Sargans, aschia ch’ils trenaders dil CB Trun/Rabius Philippe Vincenz e Donat Albin ein stai sfurzai da far midadas ell’equipa.

All’entschatta dalla partida a Weesen ei quei era in ton veseivel. L’equipa da casa stat ault ed emprova aschia da metter sut squetsch l’equipa dalla Cadi. Trun/Rabius tegn denton pétg e va en avantatg ella 20. min. entras Patrizio Decurtins, quei suenter in bi conter. Tochen pausa semida nuot vid il resultat. Suenter il te emprova Weesen vinavon cun bia variaziun e tempo da vegnir tier igl emprem gol, mo Trun/Rabius rispunda beinspert e va ella 52. min. entras Gianin Derungs cun 2:0 en avantatg. Quei ei empau in schoc per l’equipa da Weesen. Gie, cuort suenter schizun la gronda schanza per Gianin Derungs d’alzar sin 3:0, mo Martin Mächler tegn cun in bi reflex sia equipa el giug. Weesen betta uss tut anavon, mo la defensiun ed il goli dil CBTR muossan in’ulteriura ga ina grondiusa prestaziun e laian tier negins gols quei di, aschia che Trun/Rabius tuorna dil cantun s. Gagl cun 3 puncts.

Malgrad che Weesen ei sil davos plaz ella tabella ed ha aunc sittau negins gols muossan els quei di ina ferma prestaziun. Trun/Rabius ha – semegliont al giug encunter Sargans – denton danovamein giugau defensiv fetg stabil ed offensiv nezegiau lur schanzas.

 

informaziuns: 3. ligia gruppa 1; FC Weesen 2 – CB Trun/Rabius 0:2 (0:1); Moos, Weesen – 100 aspectaturs

gols: 20. Patrizio Decurtins, 52. Gianin Derungs

Trun/Rabius: Mauricio Cathomas; Damian Schmed, Livio Janka, Ramon Orlik, Sandro Orlik; Mathias Flepp, Denis Monn (74. min. Fabio Caduff), Clau Berther (53. min. Silvan Muoth), Jonas Beer (46. min. Salvatore Stagliano); Gianin Derungs (87. min. Philippe Vincenz), Patrizio Decurtins

Weesen: Martin Mächler; Andreas Briker, Patrick Widmer, Tuncer Niederberger, Dario Büsser; Michel Büsser, Mario Thoma, Romano Böni, Robin Martinelli, Perry Gamba; Roman Eicher

remarcas: Trun/Rabius senza Remo Alig, Beat Cadruvi, Orlando Monn, Daniel Pfister, Mirco Pfister; cornas: Trun/Rabius 4, Weesen 8

       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch