proxims giugs digl atun 2021

3. ligia:  24-10-2021, 15:00 a Pustget CB Trun/Rabius 1 Grp. - FC Landquart 1
4. ligia: 20-10-2021, 20:15 a Mutteins US Danis-Tavanasa 2 Grp. - US Schluein Glion 2

emprema victoria per trun/rabius

A caschun digl emprem giug da casa pren l'equipa cumiau dils dus giugadurs che han pendiu lur calzers vid la guota; quei ein las persunas da Fabian Cajacob e Gion Andrea Nay. Sco engraziament per lur engaschi per l'equipa e pil CB Trun/Rabius surdattan ils trenaders ensemen cull'equipa ina pintga regurdientscha ed ina mondura dil CB. Engraziel fetg a vus per vies engaschi! 

La partida entscheiva idealmein per l’equipa da casa. Gia suenter 12 minutas gartegia ei dad ir en avantatg entras Daniel Pfister – suenter ina sperta attacca ed in bi pass da Salvatore Staglianò. Mo pauc suenter l’emprema frida, Orlando Monn sto vegnir midaus muort blessura. Sargans controllescha la partida, Trun/Rabius vegn denton tier la schanzas. Ella 28. minuta aulza Clau Berther cun in siet plazzau il resultat sin 2:0. Mo las blessuras cuntinueschan deplorablamein; era Daniel Pfister sto vegnir remplazzaus. Suenter pausa stezza danovamein Clau Berther cun siu secund gol beinspert las ambiziuns da Sargans d’aunc ir per puncts a Pustget. Ina caussa resta denton quei di, numnadamein las blessuras. Gie, schizun il goli Mauricio Cathomas – che gioga ina ferma partida – sto vegnir remplazzaus, aschia che Damian Schmed vegn funcziunaus entuorn da defensur tier goli; el tegn denton la nulla. Legreivlamein sa Mauricio puspei turnar suenter 15 minutas en gol. Bia auter capeta buc ella secunda mesadad. Sargans sesprova, la defensiun da Trun/Rabius lai denton tier ton sco neginas schanzas, aschia che l’equipa dalla Cadi va per ils emprems 3 puncts dalla nova sesiun.

Trun/Rabius ha muossau ina enorma effecienza ell’offensiva ed ina fetg ferma prestaziun dalla defensiva; e malgrad che Sargans ha giu dapli il bal en quei giug ha Trun/Rabius en tutta cass meritau ils 3 puncts.

 

informaziuns: 3. ligia gruppa 1; CB Trun/Rabius - FC Sargans 3:0 (2:0); Pustget, Trun – 200 aspectaturs

gols: 12. Daniel Pfister, 28. Clau Berther, 51. Clau Berther

Trun/Rabius: Mauricio Cathomas (67. Mirco Pfister); Daniel Pfister (38. Gianin Derungs), Livio Janka, Ramon Orlik, Sandro Orlik; Mathias Flepp, Denis Monn (56. Fabio Caduff), Orlando Monn (16. Damian Schmed), Clau Berther (82. Denis Monn); Salvatore Stagliano, Patrizio Decurtins

Sargans: Claudio Dosch; Sven Mathis, David Becker, Benjamin Weber, Fabian Schai; Robin Wachter, Marco Walser, Kevin Willi, Marco Giordano; Valentino Zollino, Sandro Willi

remarcas: Trun/Rabius senza Remo Alig, Beat Cadruvi, Silvan Muoth

       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch