proxims giugs digl atun 2021

3. ligia:  24-10-2021, 15:00 a Pustget CB Trun/Rabius 1 Grp. - FC Landquart 1
4. ligia: 20-10-2021, 20:15 a Mutteins US Danis-Tavanasa 2 Grp. - US Schluein Glion 2

negins puncts a brusio

Trun/Rabius spiarda in giug péz a cup e tuorna ell’emprema partida dalla sesiun senza puncts a casa.

Suenter 10 ulivas minutas surpren l’equipa dalla Cadi la bitgetta dil giug e controllescha la partida. Denton reussescha ei en quella fasa buc da crear pli claras schanzas. La megliera ha Livio Janka cun in culp liber ord 20 meters che Tuena parescha denton grondius.

Suenter pausa vegn Puschlav meglier el giug, la partida resta denton uliva, entochen ch’in giugadur da Trun/Rabius vul dar anavos il bal al goli, survesa denton che Pola ei medemamein en quella direcziun dil bal. E Pola ston ins buc envidar duas ga ad ina tala schanza aschia ch’el marca era igl 1:0. La partida resta denton uliva e Trun/Rabius betta alla fin tut anavon. E sco igl ei sch’ins fa lu buc el, survegn'ins il bia el – e quei capeta ella 84. minuta entras Cathieni. Cun quei resultat va il giug lu era a fin.

Trun/Rabius muossa cunzun ella emprema mesadad ina fetg ferma prestaziun che lai sperar per dapli en quella sesiun. Ils puncts restan denton ella Val Puschlav.

 

informaziuns: 3. ligia gruppa 1; Valposchiavo Calcio – CB Trun/Rabius 2:0 (0:0); Casai, Campascio – 70 aspectaturs

gols: 53. Nicolo Pola, 84. Mattia Cathieni

Trun/Rabius: Mauricio Cathomas; Damian Schmed, Livio Janka (78. Daniel Pfister), Ramon Orlik, Sandro Orlik; Mathias Flepp, Daniel Pfister (55. Orlando Monn), Clau Berther (66. Mirco Pfister), Beat Cadruvi (85. Philippe Vincenz), Gianin Derungs (55. Salvatore Stagliano)

Valposchiavo Calcio: Lorenzo Tuena; Daniele Rossi, Alessandro Fiorina, Massimiliano Fiorina, Luca Cristiano; Valerio Plozza, Mattia Merlo, Saran Rampa, Mattia Cathieni; Matteo Fontana, Nicolo Pola

remarcas: Trun/Rabius senza Fabio Caduff, Denis Monn, Remo Alig, Silvan Muoth. Cornas: Trun/Rabius 9, Valposchiavo 0

       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch