proxims giugs

3. ligia:  24-10-2020, 18:00 a Cuera FC Cuera 97 II CB Trun/Rabius I Grp.
3. ligia: 21-10-2020, 20:15 a Landquart FC Landquart I - CB Trun/Rabius I Grp.
4. ligia:  24-10-2020, 18:00 a Schluein US Schluein Glion II - US Danis-Tavanasa II Grp.
5. ligia:  24-10-2020, 16:00 a Rueun US Rueun I - CB Trun/Rabius IIIa Grp.

l’emprema victoria lai spitgar

Trun/Rabius cun ina sperdita insumma buc necessaria.

Cun bia motivaziun entscheiva il CB Trun/Rabius la partida encunter igl FC Triesen. Igl ei beinspert veseivel che l’equipa da casa ha priu avon fermamein da recaltgar l’emprema victoria dalla sesiun. Triesen perencunter vegn mo plaunsiu el giug, aschia che cunzun las empremas 30 minutas s’audan all’equipa dalla Cadi, quei denton senza crear claras schanzas. Tuttina dominescha Trun/Rabius l’emprema mesadad e lai aschia sperar sin ils emprems 3 puncts dalla sesiun.

Igl arbiter ha buc dau liber la partida suenter pausa ch’igl emprem gol croda, denton buc per Trun/Rabius, mobein per l’equipa dil Principadi da Liechtenstein. Igl attaccader nezegia in pass falliu d’in defensur dil CB T/R e marca aschia il 0:1 per Triesen. L’equipa da casa piarda uss empau la concentraziun suenter quei gol e gioga bia memia gnervus. A Sandro Orlik plai quella gnervusadad insumma buc, aschia ch’el pren sez las hottas enta maun, meina ora dus treis giugadurs da Triesen e dat cun tutta curascha sil bal. Quei bellezia siet ord 20 meters va denton ella petga. Quei fuss stau igl 1:1. Paucas minutas pli tard aulza Triesen denton sin 0:2. In giugadur da Triesen gauda damemia plaz e peda e setta il bal el cantun liung. Enstagl dad 1:1 eis ei uss 0:2, intec simtomatic per la sesiun uonn dil CB Trun/Rabius. Triesen aulza 15 minutas avon la fin il resultat sin 0:3 suenter in ulteriur sbagl individual. L’equipa dalla Cadi muossa denton morala e vegn entras Gion Andrea Nay ella 84 min. tier igl emprem gol. Naturalmein ch’il CB T/R smacca uss tut anavon, denton reusesscha ei buc pli da migliurar il resultat.

Trun/Rabius spetga cheutras vinavon sin l’emprema victoria dalla sesiun. En quella partida, encunter quei adversari e vitier a casa fuss ei en tutta cass stau pusseivel da recaltgar tala, denton han sbagls individuals e la munconza da creativitad ell’offensiva menau tier ina sperdita buc necessaria. Mesjamna retscheiva il CB Trun/Rabius a Tavanasa l’equipa da Tusaun/Cazas. In giug da gronda impurtonza encunter in adversari direct encunter la regelaziun.

 

informaziuns: ligia, gruppa 1; CB Trun/Rabius – FC Triesen 1:3 (0:0); Pustget, Trun. – 160 aspectaturs

gols: 47. (Triesen) 0:1, 64. (Triesen) 0:2, 75. (Triesen) 0:3, 84. min Gion Andrea Nay 1:3

Trun/Rabius: Mauricio Cathomas; Fabian Cajacob, Livio Janka, Damian Schmed, Sandro Orlik; Orlando Monn (79. Fabio Caduff), Denis Monn (66. Beat Cadruvi) , Mathias Flepp, Clau Berther (66. Gion Andrea Nay); Daniel Pfister, Gianin Derungs

Triesen: Julien Hasler; Sandro Mathis, Hugo Ferreira Gomes, Andreas Kindle, Daniel Salzgeber ; Daniel Knapp, Tobias Schierscher, Barna Fenyvesi; Lucas Neusüss, Nikola Coric, Alessandro Büchel

remarcas: Trun/Rabius senza: Patrizio Decurtins, Salvatore Stagliano, Remo Alig. Cartas melnas: Trun/Rabius 2, Triesen 2

       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch