pausa d'unviern

Muort il virus da corona ei la sesiun d'atun 2020 vegnida strihada. Nus sevesein speronza puspei la primavera 2021 sil plaz da bal! 

buna prestaziun – schliata pagaglia

Per la secunda ga en seria ha il CB Trun/Rabius astgau dar in giug da campiunadi a casa. Suenter la partenza cuntenteivla cul pari encunter Triesenberg leva l’equipa exnum l’emprema victoria dalla sesiun. Quei ei denton buca reussiu, malgrad ina buna – gie ella secunda mesadad schizun fetg buna prestaziun.

Ils giugadurs da Tusaun-Cazas laian l’entschatta dil giug ir spert il bal tras las atgnas retschas e controlleschan aschia il giug. Ils giugadurs dil caucasa laian denton buca stermentar e tegnan bein petg. Il giug viva dils cumbats ella zona centrala. Negina equipa vegn propi d’elavurar bunas schanzas. Tier l’emprema acziun prigulusa vegn la squadra da casa: Il giugadur d’ala Clau Berthermunchenta denton ella 21avla minuta cun in siet ord biebein 20 meters la finamira. Avon pausa vegnan era aunc ils hosps ord la Tumliasca tier ina buna occasiun da gol. Quella porta denton era buca fretg.

Suenter pausa vegn la squadra da casa meglier e meglier el giug. Vargau biebein in’ura vegn gl’attacader Patrizio Decurtins enteifer cuort temps lantschaus duas gadas cun in bi pass ord il miez, lai mintgamai ora siu cuntergiugadur cun in crutsch, vegn denton omisduas gadas buca da marcar igl emprem gol dalla sesiun. La 69avla minuta vegn Trun/Rabius era prigulus suenter ina situaziun da standard: Ina flanca precisa plazzescha il defensur Gion Andrea Naydenton lev sper la petga liunga – puspei ina schanza munchentada. Il caucasa dominescha en quella fasa il giug e vegn lu è suenter enqual emprova dad ir en avantatg: Il «joker» Daniel Monn marchescha cun siu emprem contact cul bal igl 1:0, quei suenter in bi pass ella gassa da Salvatore Staglianó. Quei gol para denton da ver destadau ils hosps da Tusaun-Cazas. Tuttenina ein els puspei bia pli presents els cumbats e mo cuort suenter vegnan els era d’egualisar. In giugadur dils hosps betta viaden il bal lunsch ella da sedisch.Leu regia in disuorden cumplet e suenter in «pingpong» smacca in giugadur cun mondura melna il bal ella reit.

La finfinala resta pia puspei in punct a Pustget. Sco la fin d’jamna vargada havessen ils Sursilvans denton cun in tec pli bia “saung freid” saviu cuntonscher la victoria. La buna prestaziun fa denton speronza per ils proxims pensums che spetgan sin l’equipa da Trun/Rabius.

 

informaziuns: 3. ligia, gruppa 1; CB Trun-Rabius  – Tusaun Cazas 1:1 (0:0); Pustget, Trun. – ca. 200 aspectaturs

gols: 76’ Daniel Monn 1:0, 82’ Gashi 1:1

CB Trun/Rabius: Alig, Sandro Orlik, Nay (82’ Ramon Orlik), Schmed, Cajacob, Orlando Monn (80’ Pfister), Cadruvi, Denis Monn, Berther (75’ Daniel Monn), Staglianó, Decurtins.

Tusaun-Cazas: Patrick Kienast, Spörri (53’ Gashi), Thomas Kienast, Jenny, Tillessen (73’ Sgier), Neuhaus, Bühler (68’ Komposch), Bundi, Brenn (53’ Senn), Grischott, Schweigl

remarcas: Cartas melnas: 48’ Brenn (foul), 86’ Schmed (foul), 94’ Alig (giug sin temps)

 

 

       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch