proxims giugs

25-08-2019, 15:00 CB Trun/Rabius I - FC Triesenberg I
31-08-2019, 16:30 CB Trun/Rabius II - FC Bogn Ragaz IIa
  • funcziunaris

    president Otto Beer +41 79 610 54 21 This email address is being protected from spambots. You need JavaScript enabled to view it. cassier
    Read More
  • 1. equipa

    giugadurs #1 Andri Nay #12 Mauro Alig #2 Orlando Monn
    Read More
  • 2. equipa

    giugadurs #1 Flavio Schuoler #15 Silvan Cajacob #2 Christof Derungs
    Read More
  • trenaders

    1. equipa Donat Albin (C) +41 78 602 57 77
    Read More
  • juniors

    juniors A - IG Surselva a Grp. (Coca-Cola-League) juniors B2 - IG
    Read More
  • seniors

    Bei den Senioren ist jeder willkommen der das fussballerische Seniorenalter
    Read More

pari el cumbat da dracca a razén

Suenter la victoria encunter Cuera ha nossa emprema stuiu giugar encunter igl SC Razén. Igl emprem giug la primavera haveva anflau negin victur. Pil CB valeva ei da recaltgar puncts e tener il contact cun il capogruppa Celerina...

La formaziun stat en quei senn sco “adina” e tuttina dat ei entginas midadas. Ramon mida posiziun e remplaza il frar grond lev blessaus davos seniester. Aschia che Ivo e Beat surprendan il center, Carlo e Salva l'attacca. La pli gronda midada dat ei sin la posiziun da goli nua ch’il Dani remplazza Andri che croda tgunsch ora pils proxims giugs. Sco detg nus dein cheu sco “adina”.

Da temperaturas freidas e dracca dat igl arbiter liber il giug. Las empremas minutas vesan ins in “abtasten” dallas duas squadras. Negin vegn propi da cumbinar tochen avon gol aschia che siets da distanza ein per l’entschatta il mied applicau il pli stedi. Carlo, Ramon ni Oli vegnan denton cun lur siets da distanza da crear pli malsegiras acziuns. Era Razén gioga plitost mo cun bals liungs e vegn aschia buc en ina malsegira posiziun per in siet. La 13 minuta ha il Dani da far sia emprema parada e sa muossar ch’el ei pinaus per siu niev post. Aschia porta il giug tochen en la 25avla minuta buca pli gronds highlights.

Suenter in siet el buttatsch da Ramon ha igl arbiter nuot pli perdert da fa che schular in penalti encuter il CB. Tut ils protests da trenaders e giugadurs gidan nuot e Razén vegn da marcar igl 1:0 tras quel. Uss para il giug propi lantschaus. En quella fasa gioga l’equipa da casa meglier e vegn pli malsegira avon il gol da Dani. La 40avla vegn in giugadur dall'ala da Razén da purtar ina flanca ella da sedisch da Trun/Rabius. Tgei che suonda ei aunc in di pli tard buca propi clar ad ils biars giugadurs. Damian vul tgunsch returnar quei bal cul tgau a Dani e tila il davos mument tuttina en quel. Aschia ch’igl attacader survegn il bal e marchescha cun in siet sut la latta il 2:0. Cuort avon la pausa giubilescha lu Trun/Rabius, denton mo per in cuort mument. Damian para da puspei haver anflau il tgau e marchescha il 2:1. Denton manegia igl arbiter che quei seigi vegniu fatg ord posiziun dad offside. Suenter eis ei pausa.

Mario reaghescha ussa e porta Remo per Carlo e spera sin dapli acziuns avon il gol da Razén. Las empremas minutas suenter pausa ein plitost aunc signadas dad inexactadads. La 50avla vegn il Damian cun ina biala "gretscha" da liberar cuort avon igl agen gol. Suenter quei pren il CB enta pugn il giug. Razén vegn smaccaus ell'atgna mesadad ed ei para mo ina damonda da temps tochen ch’in gol croda. Ina tgaua da Salva damongna buca sur la lingia ed era tier autras acziuns para il Diu da bal buca dad esser da nossa vart oz. Era igl arbiter para da mo haver si tomatas sils egls e schula buca dus clars penaltis per Trun/Rabius.

Finalmein ella 67avala minuta vegn igl Oli da marcar igl emprem gol. Quei senter ina biala cumbinaziun sur igl entir plaz ed in bi pass da Salva el center, nua che Oli ha tut il temps da studegiar co plazzar siu siet. Trun/Rabius smacca ussa cun tutta forza sin il 2:2. La 85avla eis ei lu aschi lunsch: Igl arbiter ha puspei anflau siu spieghel e schula in contact cul maun d’in defensur da Razén. Cunquei che Livio ei gest vegnius midaus ora, eis ei buca propi clar tgi che sieta il penalti. Tuttenina stat nies goli Dani avon il bal e petga quel cun tutta forza ella reit. Cuort suenter ei il giug a fin.

Quei pari ei pli che mo fadegiaus per nossa squadra. Cunzun la secunda mesadad ei stada ferma e biala da mirar tier. Tras quei pari vegn il CB da segirar siu secund plaz ella tabella. Grond engraziament a nos 12 fans che han anflau la via giu Razén da quell’aura. Remercablamein era in da quels aspectaturs puspei en caultschas cuortas sper la lingia. Quella gada haveva el simeins en in pullover.

 

Informaziuns: 25’ 1:0 Razén, 40’ 2:0 Razén, 67’ 2:1 Orlando Monn, 85’ 2:2 Daniel Monn

Formaziun: Daniel Monn - Ramon Orlik, Damian Schmed, Livio Janka, Fabian Cajacob - Orlando Monn, Beat Cadruvi, Ivo Albin, Clau Berther - Carlo Gautschi (85' Remo Alig), Salvatore Staglianó (C)

Reservas: Gion Andrea Nay, Sandro Orlik, Denis Monn, Remo Alig

 

 

  • bènaltè!

    bènaltè! 2018 - 3. ediziun Miez uost ei la tiarza ediziun dil bènaltè! cumparida. Ils habitonts dallas vischnauncas Sumvitg e Trun
    Read More
       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch