proxims giugs

19-10-2019, 16:00 CB Trun/Rabius II - FC Sargans IIb
20-10-2019, 15:00 CB Trun/Rabius I - FC Buchs I
  • funcziunaris

    president Otto Beer +41 79 610 54 21 This email address is being protected from spambots. You need JavaScript enabled to view it. cassier
    Read More
  • 1. equipa

    giugadurs #1 Andri Nay #12 Mauro Alig #2 Orlando Monn
    Read More
  • 2. equipa

    giugadurs #1 Flavio Schuoler #15 Silvan Cajacob #2 Christof Derungs
    Read More
  • trenaders

    1. equipa Donat Albin (C) +41 78 602 57 77
    Read More
  • juniors

    juniors A - IG Surselva a Grp. (Coca-Cola-League) juniors B2 - IG
    Read More
  • seniors

    Bei den Senioren ist jeder willkommen der das fussballerische Seniorenalter
    Read More

comeback el cup grischun

Sco emprem giug ufficial dalla sesiun 2018/19 ei il giug dil Cup grischun staus sil program. A Pustget ha il CB Trun/Rabius retschiert l'equipa da Landquart dalla 3. ligia. Sco quei ch'igl ei enconuschent als biars amaturs dil sport da ballapei, scrivan ils giugs da cup autras historias - aschia era oz a Pustget. 

Da temperaturas resentidas sco bunamein 47°C dat igl arbiter liber il giug punctualmein las 17:00 uras. Malgrad ch'il cau-casa vegn gia suenter 30 secundas en persuna da Dani Monn tier l'emprema caschun da gol, paran ils giugadurs buca dad haver l'intenziun da far memia bia km duront quei giug. Aschia ein il tempo e l'intensitad oravontut l'entschatta buc aschi aults, quei che munta che schanzas da gol ein plitost raras. Tuttina vegn il hosp da Landquart la 11avla minuta tier sia emprema caschun: Il siet digl attaccader che ha pudiu mitschar dalla defensiu va denton cnap sper il gol vi. La 24avla minuta vegn Landquart pli datier dil gol; quei suenter ina corna. La tgaua dil giugadur da Landquart tucca per cletg mo la latta... Duas minutas pli tard eis ei denton realitad: Entras in sbagl individual ella defensiun dil CB vegn in attaccader digl adversari lantschaus e sa ir persuls viers il gol dil CB - e marchescha il 0:1 per Landquart. 

Suenter biebein in mes'ura sto allura il Flavio parar in siet sin gol. Landquart vegn uss magari entras malprecauziuns dil cau-casa tier occasiuns da gol. Al CB reussescha ei sulettamein aunc ina ga da sittar sil gol digl adversari - denton senza success. Gie cuntrari: Entras in ulteriur sbagl individual ella defensiun vegn igl attaccader en mondura cotschna tier il bal cuort avon la da sedisch e setta il bal ellas maschas - 0:2 la 41avla minuta. Il facit dall'emprema mesadad: Trun/Rabius fa grev la veta a sesez entras munconza da moviment, pass malexacts e malponderai, dribblings nunnecessaris - era en zonas malsegiras - ed in agir memia pauc agressiv encunter il bal. 

Duront pausa paran ils trenaders Mario e Carlo denton dad haver anflau ils dretgs plaids ella cabina. Malgrad ch'ei ha sil pupi dau neginas midadas, fa il CB l'impressiun dad esser tut in'autra equipa. Aschia surprendan els gia baul empau la bitgetta e siettan gia la 50avla minuta igl 1:2. In bal liung sil Beat lai tal rebatter sil Clau; lez spetga il dretg mument e survescha il bal "pfannenfertig" al Tiz sin ver 18m. Cun in schinumnau "Innarist" plazescha il giugadur turnaus dil camp da trenament cun RCD Mallorca il bal a moda beinponderada el cantun seniester a bass. 

La 67avla minuta vegn in giugadur frestg en persuna da Denis Monn el giug e surpren la posiziun da strateg amiez. Gia suenter gnanc ina minuta lantschescha tal il Clau cun in bellezia pass dalla marca "Schlenzer" sur la defensiun ora che lez stat tut persuls avon il gol. Deplorablamein vegn il Clau buca da controllar tenor giavisch il bal e lez va sur il garter ora... In meglier siet sin gol suonda allura pauc pli tard entras in culp liber. Quel metta il Livio cun in siet sc'in streh ella latta; il bal che rebatta petga il Sandro Orlik - il secund giugadur ch'ei turnaus oz dil camp da trenament cun Mallorca - sur la lingia. Nauschas lieungas pretendan ch'el seigi staus egl "optsits". Igl arbiter muossa denton immediat sil punct amiez; pia 2:2 suenter 71 minutas! 

Ussa ha il CB litgau saung ed emprova vinavon da dar ballapei; quei ch'els han munchentau da far las empremas 45 minutas dil giug gartegia lussa stupent als endisch giugadurs en ner-alv sil plaz. E tgi havess tertgau da quei: La 76avla minuta gudogna il CB il bal aunc ella mesadad da Landquart, quei entras in bien pressing silla defensiun dil hosp. Silsuenter vegn il bal spert daus ora sil Salva, il qual setta il bal naven dil cantun dretg dalla da sedisch vi el cantun liung a bass ellas maschas - 3:2!!! Quei ei in comeback sco quei ch'el stat screts el cudisch! Las fasa finala dil giug agescha Trun/Rabius a moda suverana e salva cun bien spért d'equipa e saun cumbat la nulla ella secunda mesadad. Da menziunar ein aunc las midadas da nos giugadurs giuvenotters Mattias Candinas e Pierin Monn.

La victoria dil giug da cup muossa puspei inaga dapli ch'ils schinumnai "underdogs" selain buca suttametter aschi tgunsch - malgrad che negin havess spitgau in tal resultat suenter la prestaziun dall'emprema mesadad. Ils giugadurs han mussau caracter suenter pausa ed ein curri per lur colurs - cumpliment! In punct che vala aunc da menziunar ei igl engaschi d'in ullteriur giugadur che ha frequentau il camp da trenament en Spagna - Beat Cadruvi - che ha reacaltgau ina massa bals amiez il plaz; quei oravontut duront la secunda mesadad. Tgisà sche quei ei ina nova strategia dil CB da tarmetter giugadurs en tiaras jastras per schar emprender els leu enqual caussa partenent il ballapei... ;-) 

 

Informaziuns: 26’ 0:1 Landquart, 41' 0:2 Landquart, 50’ 1:2 Patrizio Decurtins, 71’ 2:2 Sandro orlik, 76’ 3:2 Salvatore Staglianó

Formaziun: Flavio Schuoler – Fabian Cajacob, Damian Schmed, Livio Janka, Sandro Orlik (84' Mattias Candinas) – Orlando Monn (93’ Pierin Monn), Beat Cadruvi, Salvatore Staglianó (C), Clau Berther – Patrizio Decurtins, Daniel Monn (67’ Denis Monn)

Reservas: Pierin Monn, Mattias Candinas, Denis Monn, Carlo Gautschi, Sandro Tomaschett

 

  • bènaltè!

    bènaltè! 2018 - 3. ediziun Miez uost ei la tiarza ediziun dil bènaltè! cumparida. Ils habitonts dallas vischnauncas Sumvitg e Trun
    Read More
       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch