proxims giugs

19-10-2019, 16:00 CB Trun/Rabius II - FC Sargans IIb
20-10-2019, 15:00 CB Trun/Rabius I - FC Buchs I
  • funcziunaris

    president Otto Beer +41 79 610 54 21 This email address is being protected from spambots. You need JavaScript enabled to view it. cassier
    Read More
  • 1. equipa

    giugadurs #1 Andri Nay #12 Mauro Alig #2 Orlando Monn
    Read More
  • 2. equipa

    giugadurs #1 Flavio Schuoler #15 Silvan Cajacob #2 Christof Derungs
    Read More
  • trenaders

    1. equipa Donat Albin (C) +41 78 602 57 77
    Read More
  • juniors

    juniors A - IG Surselva a Grp. (Coca-Cola-League) juniors B2 - IG
    Read More
  • seniors

    Bei den Senioren ist jeder willkommen der das fussballerische Seniorenalter
    Read More

victoria suverana en val sogn pieder

Suenter la victoria encunter Bogn Ragaz la fin d’jamna passada leva il CB far en Val sogn Pieder il proxim pass viers la testa dalla tabella. E per quei giug a Val ha il trenader Mario studegiau ora ina formaziun nunusitada. Cun la formaziun 3-2-3-2 entscheiva l’equipa da Trun/Rabius il giug sil plaz pignet.

Las empremas minutas vargan ed igl ei buca da remarcar dabia acziuns prigulusas. Igl ei lu il caucasa da Val che marchescha l’emprema acziun prigulusa la 10avla minuta. Ina tgaua dil grond giugadur amiez munchenta la finamira denton claramein. Gnanc ina minuta suenter vegn denton era il CB tier ina schanza, quei entras il Damian che ei ius inagada anavon. La 20avla minuta ha l’emprema lu cletg; in siet nunspitgau vegn il Sandro buca da tener ed ei drova il Clau silla lingia che setta il bal ord la zona prigulusa. Tochen cheu san ins veramein tschintschar d’in giug denter duas equipas ulivas. Mo il CB pren ussa pli e pli fetg il zepter enta maun e vegn la 22avla minuta gest tier duas schanzas. Emprem eis ei il Clau che munchenta il gol e suenter vegn il Patrizio buca da sittar il bal ellas maschas. Mo il squetsch vegn pli gronds ed aschia marchescha il Clau lu finalmein igl emprem gol dil giug la 31avla minuta. Suenter in bi pass dil Piet vegn il Clau grad aunc vid il bal e tschenta lez si el „winkel“. E cuort suenter savess ei gia star 2:0: in siet ord la menada dil Daniel rebatta denton dalla petga liunga. Aschia va ei cun il pign avantatg e schazegiau 10 minutas temps da prolungaziun ella pausa.

Suenter pausa fa l’emprema vinavon sco avon pausa – numnadamein squetsch sil gol dil caucasa. La 50avla minuta vegnan il Tiz ed era il Daniel tier bunas acziuns che vegnan denton paradas dil goli da Val. La 66avla astga era la defensiun ir encunter il gol; in culp liber vegn sittaus ferm abass el cantun liung dil Livio, mo era quei siet tegn il goli. Aunc adina stat ei mo 1:0 pils hosps - in resultat che dat aunc negina segirtad. La 68avla gartegia ei lu finalmein cul secund gol: Il Piet reagescha spert e betta en spert il bal direct sil tgau al Daniel che ha buca miserias da marcar il 2:0. Els dus han lu grad survegniu queidas e mo quater minutas pli tard eis ei puspei il Piet che survescha, quella ga cun in pass dalla categoria “weltklasse” il Daniel, e lez marchescha siu secund gol dil di – 3:0. Il 4:0 setta il Piet lu persunalmein e metta aschia il “punct sigl I” suenter ina fetg buna prestaziun individuala. Per quei gol sto el denton buca far bia – pertgei il Clau survescha si el cun in bellezia pass. Ei vala aunc da menziunar in’acziun da Val sogn Pieder: La 83avla minuta setta in giugadur il bal cun biebein 270 kilometers per ura ella petga, mo quei ei la davosa acziun prigulusa ed igl arbiter schula quella ga giu ad uras il giug.

Oz han ils aspectaturs da Trun – che han puspei inaga en roschas priu in liung viadi sin els, engraziel fetg! – viu ina fetg buna prestaziun dall’emprema. A Val sil plaz nunusitau eis ei buca sempel da recaltgar treis puncts, mo quei ei oz gartegiau a moda suverana. Cuntenteivel ei segiramein las fetg bialas acziuns offensivas cunzun la davosa mes’ura. Mo era descha ei agl autur da menziunar la defensiun che ha quasi schau tier neginas acziuns prigulusas ed aschia sa il Sandro selegrar dil secund „Shot-out“ dalla sesiun. Lein sperar ch’il CB fa vinavon aschia e vegn da recaltgar medemamein treis puncts l’autra dumengia a Pustget tiel davos giug da casa 2017. Era la secunda vegn a dar siu giug la dumengia a Trun aschia ch’ils aspectaturs san selegrar sin ina dumengia plein emoziuns sil plaz da bal.

 

Informaziuns: 31’ 0:1 Clau Berther, 68’ 0:2 Daniel Caldeira, 72’ 0:3 Daniel Caldeira, 77’ 0:4 Piet Raap

Formaziun: Sandro Tomaschett – Fabian Cajacob, Livio Janka, Sandro Orlik - Damian Schmed, Beat Cadruvi (35’ Daniel Caldeira) – Clau Berther (84’ Sergio Regufe), Salvatore Staglianó, Orlando Monn – Patriizio Decurtins (75’ Silvan Cajacob), Piet Raap (85’ Bruno Regufe)

Reservas: Silvan Cajacob, Bruno Regufe, Daniel Caldeira, Sergio Regufe, Carlo Gautschi

 

  • bènaltè!

    bènaltè! 2018 - 3. ediziun Miez uost ei la tiarza ediziun dil bènaltè! cumparida. Ils habitonts dallas vischnauncas Sumvitg e Trun
    Read More
       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch