proxims giugs

19-10-2019, 16:00 CB Trun/Rabius II - FC Sargans IIb
20-10-2019, 15:00 CB Trun/Rabius I - FC Buchs I
  • funcziunaris

    president Otto Beer +41 79 610 54 21 This email address is being protected from spambots. You need JavaScript enabled to view it. cassier
    Read More
  • 1. equipa

    giugadurs #1 Andri Nay #12 Mauro Alig #2 Orlando Monn
    Read More
  • 2. equipa

    giugadurs #1 Flavio Schuoler #15 Silvan Cajacob #2 Christof Derungs
    Read More
  • trenaders

    1. equipa Donat Albin (C) +41 78 602 57 77
    Read More
  • juniors

    juniors A - IG Surselva a Grp. (Coca-Cola-League) juniors B2 - IG
    Read More
  • seniors

    Bei den Senioren ist jeder willkommen der das fussballerische Seniorenalter
    Read More

in pari meritau a vaz-sut

Mo dus dis suenter la victoria perschuadenta el derbi encunter Tavanasa spitgava il proxim ferm adversari, numnadamein Vaz-sut. Ils davos onns ha ei bein dau enqual interessant giug encunter quell’equipa; nunemblideivel ei segir la victoria da cup avon in onn suenter prolungaziun. Era tipic per Vaz-sut ein ils aspectaturs che tschontschan practicamein novonta minutas sur dil giug e filosofeschan davart “Gott und die Welt”.

Seigi sco ei vegli. Il giug entscheiva – suenter l’inauguraziun dil niev segapustget da Vaz-sut – fetg ulivs. Cumbats domineschan igl emprem quart d’ura dil giug ed ins senta che omisduas equipas vulan buca survegnir igl emprem gol. Ei drova 24 minutas tochen ch'il Clau procura per l'emprema acziun prigulusa da quei giug. Era Vaz-sut sa mo remarcar ina acziun prigulusa ell’emprema mesadad, numnadamein suenter in culp liber che munchenta la finamira mo lev. 

Era suenter pausa vesan ils aspectaturs buca propi ina biala cumbinaziun. Da quei s'empon en emprema lingia ils giugadurs dallas duas equipas, denton eis ei era da menziunar ch'il pastget semegliava plitost in èr da truffels. Plinavon pareva ei ch'igl arbiter hagi aunc dad incassar in tschuat daners pigl OFV ed aschia ha el repartiu buca meins che endisch cartas melnas – quei ha segiramein era buca fatg megliers il giug. Mo anavos sil plaz: L’emprema bial’acziun dil giug s’auda lu als hosps dalla Cadi. In culp liber vegn exequius spertamein ed igl Orlando vegn lantschaus dall’ala si. Lez porta il bal amiez nua che Clau vegn da metter il bal spel goli ora vi sil Sandro che ha lu buca pli breigias da stuschar en il bal. Mo igl avantatg tegn buca ditg; gnanc diesch minutas pli tard egalisescha il caucasa cun in fetg bi siet ord 20 meters - goli inclusiv defensiun fan tier quei gol denton buca la megliera pareta. Tuttina resta ei aunc avunda temps per far il secund gol ed il CB smacca las davosas minutas sil 2:1. Quei engaschi encunter anavon vegn denton memia tard ed aschia resta ei tier in pari.

Tut priu astg’ins segiramein tschintschar d’in gest resultat. Igl ei buca reussiu al CB da crear schanzas sco els davos dus giugs, quei che simplifichescha segiramein era buca da sittar gols.

Proxima sonda va ei lu puspei vinavon cul campiunadi a Trun Pustget, nua ch'ina victoria ei fetg impurtonta, vulan ins tener il contact cun las equipas alla testa dalla tabella. 

 

Informaziuns: 58’ 0:1 Sandro Orlik, 67’ 1:1 Vaz sut

Formaziun: Sandro Tomaschett – Damian Schmed, Livio Janka, Carlo Gautschi, Sandro Orlik – Daniel Monn (46’Orlando Monn), Beat Cadruvi, Piet Raap, Clau Berther (81’ Silvan Cajacob) – Patrizio Decurtins (72’ Salvatore Staglianó), Daniel Caldeira

Reservas: Orlando Monn, Salvatore Staglianó, Silvan Cajacob, Fabian Cajacob, Philippe Vincenz, Bruno Regufe, Sergio Regufe

 

  • bènaltè!

    bènaltè! 2018 - 3. ediziun Miez uost ei la tiarza ediziun dil bènaltè! cumparida. Ils habitonts dallas vischnauncas Sumvitg e Trun
    Read More
       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch