proxims giugs

19-10-2019, 16:00 CB Trun/Rabius II - FC Sargans IIb
20-10-2019, 15:00 CB Trun/Rabius I - FC Buchs I
  • funcziunaris

    president Otto Beer +41 79 610 54 21 This email address is being protected from spambots. You need JavaScript enabled to view it. cassier
    Read More
  • 1. equipa

    giugadurs #1 Andri Nay #12 Mauro Alig #2 Orlando Monn
    Read More
  • 2. equipa

    giugadurs #1 Flavio Schuoler #15 Silvan Cajacob #2 Christof Derungs
    Read More
  • trenaders

    1. equipa Donat Albin (C) +41 78 602 57 77
    Read More
  • juniors

    juniors A - IG Surselva a Grp. (Coca-Cola-League) juniors B2 - IG
    Read More
  • seniors

    Bei den Senioren ist jeder willkommen der das fussballerische Seniorenalter
    Read More

clara victoria e spitachel el derbi

Suenter la victoria encunter Sevelen la dumengia vargada, han ins astgau spitgar dil CB in bien giug da derbi. La rolla dil favorit haveva denton plitost il hosp, cunquei ch'els ein parti meglier ella sesiun d'atun. Nuotatonmeins leva l'emprema equipa recaltgar ils treis puncts ed aschia cuntinuar la via dalla tabella siadora. 

Beinspert han ins sentiu ch'ils giugadurs dil CB eran "chicherigs" e ch'els vulevan per tut prezi gudignar quei giug. Aschia han ins gia naven dall'entschatta priu encunter ils cumbats e fatg pressiun sils giugadurs dall'USDT. Consequentamein ein ins aschia vegni gia baul tier bunas occasiuns da gol - semegliont al giug dalla dumengia vargada. Quella ga han ils attaccaders denton giu il saung freid necessari per nezegiar las caschuns, aschia ch'il resultat munta gia suenter 20 minutas 3:0 pil caucasa. Tgi havess spitgau ina tala demonstraziun dil CB? 

Mo pass per pass: Igl 1:0 procura il Dani Monn la 6avla minuta suenter ina bellezia flanca dall'ala dretga da Daniel Caldeira. Pauc pli tard smacca il Damian Schmed il bal dil corner sur la lingia. Il 3:0 marca la finala il Patrizio cun in bi siet el cantun liung. 

Trun/Rabius dat suandontamein vinavon bein ballapei e creescha ulteriuras schanzas. Plitost casualmein vegn Tavanasa denton tier il bal amiez, quei suenter ina malconcentraziun dils giugadurs dil CB. Cun empau cletg reussescha ei agl attaccader dall'USDT da trer encunter gol e da sittar il bal ella reit. Il 3:1 dat empau anim al hosp, denton interrumpa il caucasa il slontsch digl adversari cul 4:1. Daniel Caldeira concluda ina bial'acziun singula cun in siet el cantun liung che lai al goli negina schanza. Cun quei resultat va ei la finfinala allura ella pausa. 

Ils trenaders han buca bia da dir da pausa, essend cunscients che l'equipa ha da principi mess entuorn quei ch'els han pretendiu dad els avon il giug. Aschia ei l'equipa premurada da vinavon dar lur ballapei suenter pausa. Il 5:1 croda allura paucas minutas suenter che l'arbitra (!) ha dau liber il giug e quei entras il Daniel Monn. Silsuenter setila l'equipa da casa empau anavos, ferton che Danis-Tavanasa vegn meglier e meglier el giug. Tscheu e leu reussescha ei ad els da dumignar in bal sin gol ed entras in'acziun dalla marca "slapstick" stat vonzeivi in attaccader en mondura blaua persuls avon il goli e marca il 5:2. Silsuenter procuran entgins culps libers per lavur per la defensiun dil CB. La reit dil gol dil CB zappetscha denton buca pli. 

Cuntrari vegn Trun/Rabius schizun da marcar il 6:2 entras il Piet Raap. In bal dall'ala dretg pren el giu directamein ed il ferm siet anfla la via dalla latta ella reit. Pauc pli tard ei il giug allura a fin. Aspectaturs, trenaders e giugadurs giubileschan, cunscients da lur buna prestaziun questa sera. Ussa vala ei da prender cun il slontsch dils davos dus giugs e da mussar a Vaz-sut ina prestaziun semeglionta. Encunter lezs sto igl engaschi segiramein era esser aschi aults sco encunter Tavanasa, sch'ins vul turnar a casa cun puncts. La victoria el derbi porta pil mument denton empau ruasseivladad e fa bein a tuts involvi. 

  • bènaltè!

    bènaltè! 2018 - 3. ediziun Miez uost ei la tiarza ediziun dil bènaltè! cumparida. Ils habitonts dallas vischnauncas Sumvitg e Trun
    Read More
       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch