proxims giugs

19-10-2019, 16:00 CB Trun/Rabius II - FC Sargans IIb
20-10-2019, 15:00 CB Trun/Rabius I - FC Buchs I
  • funcziunaris

    president Otto Beer +41 79 610 54 21 This email address is being protected from spambots. You need JavaScript enabled to view it. cassier
    Read More
  • 1. equipa

    giugadurs #1 Andri Nay #12 Mauro Alig #2 Orlando Monn
    Read More
  • 2. equipa

    giugadurs #1 Flavio Schuoler #15 Silvan Cajacob #2 Christof Derungs
    Read More
  • trenaders

    1. equipa Donat Albin (C) +41 78 602 57 77
    Read More
  • juniors

    juniors A - IG Surselva a Grp. (Coca-Cola-League) juniors B2 - IG
    Read More
  • seniors

    Bei den Senioren ist jeder willkommen der das fussballerische Seniorenalter
    Read More

emprema victoria da campiunadi

Bunamein in meins han ils fans dil CB stuiu spitgar tochen che l’emprema ha puspei saviu giugar in giug da campiunadi. La finamira avon quei giug era clara: treis puncts eran obligaziun encunter l’equipa promovida ord tschunavla ligia. Era en vesta alla tabella era ei eminent impurtont da recaltgar l’emprema victoria e da far in pass ord il tschaler – nua ch'il CB sesanfla momentan cunzun perquei che l’equipa da Trun/Rabius ha pli paucs giugs che la concurrenza.

Ins vesa gia l’entschatta dil giug ch’ils giugadurs dil CB ein motivai e brischan da puspei saver esser sil plaz a Pustget ina biala dumengia. La tiarza minuta va il Clau persuls encunter il goli e mo ina minuta pli tard eis ei il Patrizio che vegn tier in siet prigulus. Ins sa propi dir: "Trun/Rabius legt los wie die Feuerwehr.” La 10avla minuta suonda puspei ina schanza dubla per la squadra da casa nua ch’il Fabian gartegia la finfinala mo la latta. Ed era tschun minutas pli tard stuess il CB puspei marcar in gol, quella ga survescha Tiz il bal a Piet cun in bi pass ella gassa, mo lez munchenta medemamein il gol. La 19avla vegn il hosp da Sevelen tier l’emprema acziun prigulusa cun in siet deviau silla latta. Mo quei ei atgnamein in’excepziun, il caucasa dominescha claramein. “Tgi che fa buc els davon, survegn els davos.” – Quei proverbi vegn denton puspei inaga verificaus ed aschia va l’equipa da Sevelen en avantatg suenter in culp liber ella 25avla minuta. Il CB fa denton vinavon sco tochen dacheu – ei vegn creau schanzas ina suenter l’autra, nezegiau vegn denton aunc adina neginas. Il Damian vegn la 27avla minuta buca da metter il bal cul tgau ella reit, mobein metta sia tgaua encunter la petga. Ella 35avla minuta eis ei lu finalmein aschi lunsch: Halleluja – suenter 215 minutas „flauta da gols“ marchescha il Tiz suenter in bi pass dil Piet igl 1:1, quei che munta medemamein igl emprem gol dalla sesiun. La 39avla stuess ei gia star 2:1, mo il Dani anfla ord biebein dus meters buca ina largia sper il goli da Sevelen. Avon pausa croda lu tuttina aunc il secund gol, puspei eis ei il Patrizio che vegn da marcar in gol.

Ins po tertgar ch’il Mario ed il Carlo han injectau a bein enqualin intec “saung freid” duront il te da pausa. Ord las empremas duas acziuns remarcablas dalla secunda mesadad vegnan il tierz ed il quart gol marcai, quei entras ils dus Daniels. Il 3:1 setta Dani Monn ed il 4:1 marchescha il niev giugadur Daniel Caldeira tier siu debut. La 80avla minuta vegn ei aunc tier ina legra acziun che vess tier in auter resultat segiramein procurau per grondas discussiuns ella “curva kiosk”: Igl arbiter schula buca da bugen giu in'acziun e dat offside cu il bal era gia ella reit digl adversari. Cunquei ch'ei steva denton gia 4:1 han era ils pli gronds “ultras” priu l’acziun cun ina prisa humor e perdunau quei fatal sbagl digl arbiter. Ella 90avla minuta siara il Piet giu il giug cun ina bial'acziun ed il 5:1 per l’equipa da casa.

L’emprema victoria dalla sesiun fa segiramein bein als giugadurs dil CB. L’equipa ei sepresentada solid ed ha veramein creau massa schanzas da gol. Ord quella „orgia da schanzas“ eis ei denton resultau claramein memia paucs gols. Suenter il fleivel start ella sesiun ei quei giug segiramein staus buns per la morala e la cardientscha en sesez – schegie ch'ins astga dir ch'igl adversari da Sevelen ha buca brillau a Pustget.

 

Informaziuns: 25’ 0:1 Sevelen, 35’ 1:1 Patrizio Decurtins, 42’ 2:1 Patrizio Decurtins, 54’ 3:1 Daniel Monn, 65’ 4:1 Daniel Caldeira, 90’ 5:1 Piet Raap

Formaziun: Sandro Tomaschett – Fabian Cajacob, Damian Schmed, Livio Janka, Orlando Monn – Clau Berther (69’ Sergio Regufe), Silvan Cajacob (45’ Beat Cadruvi), Salvatore Staglianó, Daniel Monn – Patrizio Decurtins (51’ Daniel Caldeira, 85’ Sandro Orlik), Piet Raap

Reservas: Beat Cadruvi, Sergio Regufe, Daniel Caldeira, Sandro Orlik, Philippe Vincenz, Carlo Gautschi

  • bènaltè!

    bènaltè! 2018 - 3. ediziun Miez uost ei la tiarza ediziun dil bènaltè! cumparida. Ils habitonts dallas vischnauncas Sumvitg e Trun
    Read More
       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch