contact

CB Trun/Rabius

Caum postal 153

7166 Trun

+41 78 789 74 36

secretari@cb-trun-rabius.ch 

 

© 2018 by cb-trun-rabius.ch

puspei spiars

La sonda, ils 10-06-2017 ha la secunda dil CB giu il davos giug dalla sesiun 2016/17. A Bogn Ragaz reussescha ei deplorablamein buca da terminar la sesiun cun in resultat positiv.

Il giug entscheiva sco gia entginas gadas questa sesiun, numnadamein cun in gol digl adversari. Gia suenter 90 secundas setta Bogn Ragaz igl 1-0. Era suenter quei gol gioga oravontut Bogn Ragaz. Il CB vegn mo paucas gadas ella da sedisch da Bogn Ragaz. Ei varga biebein 20 minutas entochen che Bogn Ragaz setta il 2-0. Il CB muossa denton caracter e vegn meglier el giug. Aunc avon pausa setta il Silvan igl emprem gol pil CB.

Suenter pausa emprova il CB vinavon da mussar tgi ch’ei il cau sil plaz. Ei reussescha deton buca al CB da sittar in gol. Puspei setta Bogn Ragaz igl emprem gol dalla secunda mesadad. Cun in bi culp liber gartegia ei deton al Kevin da sittar il 3-2 aschia ch’il CB spiarda puspei inagada cun in gol differenza.

Cun ina terrada terminescha il CB la sesiun. Ina sesiun che l’equipa ha mussau bunas e schliatas prestaziuns. Il problem fundamental ei stau la munconza dalla constanza. Lein sperar che l’equipa anfli quella suenter la meritada pausa da stad.

bènaltè! - il magazin dil cb

   
1. ediziun - 2016   2. ediziun - 2017   3. ediziun - 2018