proxims giugs

25-08-2019, 15:00 CB Trun/Rabius I - FC Triesenberg I
31-08-2019, 16:30 CB Trun/Rabius II - FC Bogn Ragaz IIa
  • funcziunaris

    president Otto Beer +41 79 610 54 21 This email address is being protected from spambots. You need JavaScript enabled to view it. cassier
    Read More
  • 1. equipa

    giugadurs #1 Andri Nay #12 Mauro Alig #2 Orlando Monn
    Read More
  • 2. equipa

    giugadurs #1 Flavio Schuoler #15 Silvan Cajacob #2 Christof Derungs
    Read More
  • trenaders

    1. equipa Donat Albin (C) +41 78 602 57 77
    Read More
  • juniors

    juniors A - IG Surselva a Grp. (Coca-Cola-League) juniors B2 - IG
    Read More
  • seniors

    Bei den Senioren ist jeder willkommen der das fussballerische Seniorenalter
    Read More

finiziun dalla sesiun gartegiada

Pil davos giug dalla sesiun 2016/17 ha il CB Trun/Rabius astgau retscheiver l’equipa da Mels a Pustget – in giug che empermetteva buca gronda tensiun, cunquei che per Mels era ei gia clar ch’ei mondi il proxim onn vinavon en tschunavla ligia. Era pil CB veva il giug buca ina fetg gronda impurtonza cun vesta alla tabella – la squadra da Mario Solèr e Carlo Tuor leva denton per tut prezi aunc semuossar inagada da sia buna vart.

L’entschatta dil giug vesan ils aspectaturs in giug senza grondas acziuns ella da sedisch. Ella 18avla minuta vegn il Patrizio da trer encunter il gol dils adversaris e vegn prius ella da sedisch giu dallas combas. Igl arbiter vesa denton buca quei foul ed aschia dat ei negin penalti pil CB. Tschun minutas suenter vegn il “Tiz” denton tuttina da marcar igl 1:0. Quei suenter ina bial’acziun che ha giu sia fontauna cun in bi pass ella gassa dil Romano sigl Orlando che ha purtau ina precisa flanca sil tgau dil Patrizio. Mo in quart d’ura pli tard vegn il CB d’alzar sin 2:0. Suenter in corner fa in giugadur da Mels (dils aspectaturs numnaus „Gargamel“) in autogol. Cun quei resultat va ei ella pausa.

Suenter pausa vegn l’equipa da Mels meglier el giug e setta mo duas minutas suenter la pausa ina latta. Ella 62avla minuta vegn l’equipa sogngagliesa lu schizun da scursanir, quei suenter in tipic „briefkasta“. Il giug ei suenter pausa plitost lamaschigs; ins senta ch’ei va per omisduas equipas buca pli per las massas. Quei ei forsa era in motiv ch’il Piet vegn ella 69avla minuta buca da far il 3:1 pil CB Trun/Rabius. Suenter in bi pass enamiez digl “Olli” stuess il Piet mo pli tener vi il pei - el dat denton in tec memia bia forza sil bal ed aschia va il bal sul gol ora. Duas minutas pli tard eis ei lu tuttina schi lunsch: Suenter in bellezia pass ault ella gassa dil Daniel sa igl Orlando cun sia spertezia vargar in defensur da Mels e stuschar il bal sper il goli vi. Quei ei lu era grad la davosa acziun commemorabla da quei giug.

Ei vala cheu aunc da menziunar che quei ei stau il davos giug pil Romano e pigl Andriu. Omisdus calan da dar ballapei tier l’emprema equipa dil CB Trun/Rabius. In grond engraziament a vus dus per biaras bialas e legras uras sil ed era spel plaz da ballapei – vus vegnis a muncar all’equipa.

Pil CB Trun/Rabius va ina sesiun en tut priu cuntenteivla a fin. La finfinala vegn quei matei a dar il quart ni il tschunavel plaz cun 11 victorias da 20 giugs. Sin l’autra sesiun vala ei aunc da vegnir pli constants e saver clamar giu il potenzial dall’equipa regularmein – l’emprema equipa dil CB Trun/Rabius ei denton segiramein sin ina buna via.

 

Informaziuns:  23’ 1:0 Patrizio Decurtins, 37’ 2:0 autogol Mels, 62’ 2:1 Mels, 71’ 3:1 Orlando Monn 

Formaziun: Sandro Tomaschett – Fabian Cajacob, Livio Janka, Carlo Gautschi, Damian Schmed – Orlando Monn, Andriu Tambornino, Romano Candinas, Clau Berther – Piet Raap, Patrizio Decurtins

Reservas: Sandro Orlik, Beat Cadruvi, Salvatore Staglianó, Daniel Monn

  • bènaltè!

    bènaltè! 2018 - 3. ediziun Miez uost ei la tiarza ediziun dil bènaltè! cumparida. Ils habitonts dallas vischnauncas Sumvitg e Trun
    Read More
       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch