proxims giugs

25-08-2019, 15:00 CB Trun/Rabius I - FC Triesenberg I
31-08-2019, 16:30 CB Trun/Rabius II - FC Bogn Ragaz IIa
  • funcziunaris

    president Otto Beer +41 79 610 54 21 This email address is being protected from spambots. You need JavaScript enabled to view it. cassier
    Read More
  • 1. equipa

    giugadurs #1 Andri Nay #12 Mauro Alig #2 Orlando Monn
    Read More
  • 2. equipa

    giugadurs #1 Flavio Schuoler #15 Silvan Cajacob #2 Christof Derungs
    Read More
  • trenaders

    1. equipa Donat Albin (C) +41 78 602 57 77
    Read More
  • juniors

    juniors A - IG Surselva a Grp. (Coca-Cola-League) juniors B2 - IG
    Read More
  • seniors

    Bei den Senioren ist jeder willkommen der das fussballerische Seniorenalter
    Read More

buna prestaziun, schliata pagaglia

Cu ins ei inaga ella spirala negativa eis ei grev da mitschar ord’ella. L'emprema equipa dil CB era denton segira ch'ei schai en encunter il capogruppa da Walenstadt zatgei – quei cun schar ord il tgau las prestaziuns mediocras dallas davosas jamnas e seconcentrar cumpletamein sin quei giug. Ins astgava segiramein esser spanegiaus tgei fatscha ch'il CB muossi a Pustget. Tgei che dueva motivar ils giugadurs aunc dapli ei che las monduras novas – ch'ein propi fetg bialas - han astgau vegnir purtadas per l'emprema gada.

Il giug entscheiva ed il CB vegn gia suenter quater minutas tier l'emprema schanza da gol. In bi „lupf“ sur la defensiun dil Beat vegn il Piet da prender en e sittar sin gol. Il goli da Walenstadt muossa denton in bien reflex e deviescha il bal sur la latta ora. Cuort suenter vegn era Walenstadt tier l'emprema acziun malsegira. Mo il CB smacca vinavon e vegn entras ina bellezia acziun da marcar igl 1:0 ella 14avla minuta. Suenter in bi pass ella gassa ord il centrum meina il Clau ora in giugadur e dat in pass enamiez nua ch'il Patrizio metta il bal direct cun in siet si ella crusch. Walenstadt vegn suenter tier ina acziun nua ch'in giugadur croda giun plaun cuort avon la da sedisch suenter in rencontre cul Fabian. Cheu vess nies defensur buca saviu reclamar sch'ei vess dau la carta cotschna. Schi bia cletg sco il CB ha en quella acziun, ton discletg ha l'emprema ella proxima acziun. Suenter in corner croda in giugadur da Walenstadt ella da sedisch ed igl arbiter schula penalti – ils fans dall'emprema ein o dalla suna - in clar sbagl digl arbiter. Il penalti setta il giugadur da Walenstadt plazzau el cantun ault e marchescha aschia igl 1:1 ella 28avla minuta. Il CB dat denton vinavon bein e dictescha il giug; il Daniel vegn suenter ina biala flanca denton buca da metter il bal ellas maschas. Mo cuort suenter vegn Walenstadt puspei tier in conter e marchescha igl 1:2 pils hosps. Ch'ei stat buca gia 1:3 da pausa san ils giugadurs dil CB engraziar a lur goli Philippe che meina cuort avon pausa in bal cun in brutal reflex spel gol o.  

Suenter pausa vegn Walenstadt denton beinspert da marcar igl 1:3 - quei suenter ina fetg bial'acziun da lur attacader che ha cun sia spertadad ed in tric menau ora la mesa defensiun dil CB. Suenter dat denton mo in'equipa; il CB smacca sil gol e Walenstadt reducescha siu giug sin conters. Ella 61avla minuta vegnan ils giugadurs dalla squadra da casa remunerai per lur investiziuns. Suenter ina biala flanca dil Salvatore smacca il Daniel il bal cul tgau el gol. Mo per pli bia tonscha ei buca pil CB; gie anzi che Walenstadt gudogna buca pli ault san ins engraziar a nies goli. Philippe tegn en in'acziun treis gadas miraculus cu in giugadur da Walenstadt vegn persuls encunter gol - ina parada fa el schizun cul dies.

Donn che l'emprema ha buca saviu recaltgar silmeins in punct a casa cun il capogruppa. Las pusseivladads ein stadas cheu, cunzun cunquei che la gronda part dil giug ei il giug vegnius dominaus dall'equipa da casa. Il CB Trun/Rabius sa denton esser pli u meins cuntents cun la prestaziun – igl ei dapi in meins stau lunsch ora la megliera prestaziun. Quei dat anim e slonsch per las duas davosas sfidas da questa sesiun encunter Landquart e Mels.

 

Informaziuns: 14’ 1:0 Patrizio Decurtins, 28’ 1:1 Walenstadt (P), 39’ 1:2 Walenstadt, 49’ 1:3 Walenstadt, 61’ 2:3 Daniel Monn

Formaziun: Philippe Vincenz – Fabian Cajacob, Livio Janka, Carlo Gautschi, Damian Schmed – Clau Berther, Salvatore Staglianó, Beat Cadruvi, Daniel Monn – Piet Raap, Patrizio Decurtins

Reservas: Sandro Orlik, Iso Tambornino, Andriu Tambornino, Romano Candinas, Orlando Monn

  • bènaltè!

    bènaltè! 2018 - 3. ediziun Miez uost ei la tiarza ediziun dil bènaltè! cumparida. Ils habitonts dallas vischnauncas Sumvitg e Trun
    Read More
       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch