proxims giugs

19-10-2019, 16:00 CB Trun/Rabius II - FC Sargans IIb
20-10-2019, 15:00 CB Trun/Rabius I - FC Buchs I
  • funcziunaris

    president Otto Beer +41 79 610 54 21 This email address is being protected from spambots. You need JavaScript enabled to view it. cassier
    Read More
  • 1. equipa

    giugadurs #1 Andri Nay #12 Mauro Alig #2 Orlando Monn
    Read More
  • 2. equipa

    giugadurs #1 Flavio Schuoler #15 Silvan Cajacob #2 Christof Derungs
    Read More
  • trenaders

    1. equipa Donat Albin (C) +41 78 602 57 77
    Read More
  • juniors

    juniors A - IG Surselva a Grp. (Coca-Cola-League) juniors B2 - IG
    Read More
  • seniors

    Bei den Senioren ist jeder willkommen der das fussballerische Seniorenalter
    Read More

la secunda dil cb sa aunc gudignar

La sonda avon il di dalla mumma ha il CB astgau semetter sin viadi tier il giug d'ordeifer a Vaz-sut - quei suenter duas terradas a casa. Muort la blessura dil goli Dario han ils trenaders giu siat dis temps da studegiar tgi metter en gol encunter Vaz-sut. Legreivlamein ei igl anteriur giugadur e trenader dall'emprema Renzo Albin sedeclaraus promts da star en gol per la secunda. L'equipa engrazia grondmein al Renzo per quei survetsch.

La finamira dils trenaders era da cuntinuar cun la prestaziun dalla secunda mesadad dil davos giug. Gia suenter 30 secundas reussescha ei denton al CB da schar sittar Vaz-sut igl emprem gol. Quei fa igl attaccader da Vaz-sut cun ina mischeida da péz e "lüpfer". L'equipa piarda denton buca il fil e gioga sco sch'ei fuss stau nuot. Adina puspei vegn l'offensiva dil CB tier bunas occasiuns. Il bal cuora bein ellas retschas ed il cumbat ei exemplarics. Ei gartegia denton buca da nezegiar las bunas schanzas avon pausa.

Era suenter pausa ei il CB il cau sil plaz. Ils giugadurs giogan bein denton ditg senza success. Pér suenter 80 minutas setta il CB finalmein in gol. All'ura d'ina cumbinaziun dalla vart dretga setta il Fabian ina flanca sil tgau dil Kevin. Il Kevin spedescha cul tgau il bal ella reit. Quei gol ei pli che fadegiaus e fa bein all'entira equipa ed als numerus aspectaturs da Trun/Rabius. Il CB gioga vinavon ferm e cun cor. Ella 90avla minuta setta il Renzo in bal liung che setschenta tier il Serafin. Il Serafin cuora allura persuls encunter il goli da Vaz-sut e stauscha il bal da gol en. Buca ditg suenter terminescha igl arbiter il giug.

L'equipa ha mussau caracter e cumbattiu entochen la davosa minuta. Quei ei stau exemplaric e grondius. Ils giugadurs astgan esser cuntents cun quella prestaziun ed ussa sepreparar sin ils derbis che suondan proximamein. Igl emprem derbi ha liug sonda, ils 20-05-2017 a Mutteins encunter Tavanasa.

  • bènaltè!

    bènaltè! 2018 - 3. ediziun Miez uost ei la tiarza ediziun dil bènaltè! cumparida. Ils habitonts dallas vischnauncas Sumvitg e Trun
    Read More
       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch