proxims giugs digl atun 2022

3. ligia:  08-10-2022, 16:00 a Ruggell FC Ruggell 1 - CB Trun/Rabius 1 Grp.
  4. ligia: 09-10-2022, 15:00 a Mutteins US Danis-Tavanasa 2 Grp. FC Celerina 1 Grp.
5. ligia: 08-10-2022, 17:00 a Vella CB Lumnezia 2 - CB Trun/Rabius 3a Grp.

trun/rabius el miezfinal dil cup grischun

Il CB Trun/Rabius ei in pass vinavon ella finamira da contonscher suenter liung temps puspei inaga il final dil Cup grischun. La mesjamna sera ha l’equipa dalla Cadi schau negina schanza al capogruppa dalla gruppa 1 dalla 4. ligia Vaz-sut e gudogna suenter ina prestaziun fetg solida claramein cun 0:5. Per ir en avantatg ha il CBTR aunc duvrau agid en fuorma d’ina malcapientscha d’in giugadur ed il goli da Vaz-sut. Denton dominescha l’equipa dalla 3. ligia naven dall’entschatta la partida e procura suenter biebein in quart ura gia per il 0:2 entras Robin Monn. Ei seresulta ulteriuras schanzas avon pausa che vegnan denton deplorabel buc nezegiadas. Gest en ina megliera fasa da Vaz-sut ella secunda mesadad vegn Gianin Derungs ella 61. minuta tier il 0:3 e paucas minutas pli tard tier il 0:4. Quei ei gia la decisiun. Vaz-sut – ch’a cumbattiu entochen lu cun bravura – betta suenter il quart gol la faultsch el canvau, aschia ch’il CBTR vegn aunc tier entginas bialas acziuns e tschun minutas avon la fin tier il 0:5 entras Robin Monn. Igl ei stau naven da A tochen Z in prestaziun fetg concentrada dil CB T/R.
Il miezfinal dil Cup grischun vegn ad haver liug l’entschatta primavera a casa enviers Landquart ni Puschlav.  

 

informaziuns: Cup grischun, ¼-final; Vaz-sut – Trun/Rabius 0:5 (0:2); Rüfeli, Vaz-sut – 50 aspectaturAs

gols: 7. autogol 0:1, 17. Robin Monn 0:2, 61. Gianin Derungs 0:3, 64. Gianin Derungs 0:4, 85. Robin Monn 0:5

Trun/Rabius: Damian Schmed; Mirco Pfister, Ramon Orlik, Lucas Maissen, Sandro Orlik; Robin Monn, Denis Monn (71. Beat Cadruvi), Mathias Flepp, Daniel Pfister (62. Orlando Monn); Remo Alig, Gianin Derungs (76. Pietro Jacomet)

Vaz-sut: Nino Good; Remo Steffen, Lucas Hosang, Massimo Augustin, Cedric Lampert; Fabiano Sala, Gian Marco Monsch; Silvan Roffler, Sascha Peng, Riccardo Wüthrich; Luca Good

remarcas: Trun/Rabius senza Fabio Caduff, Mauricio Cathomas, Patrizio Decurtins, Livio Janka, Silvan Muoth, Pascal Schmed, Salvatore Staglianò

       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch