proxims giugs digl atun 2021

3. ligia:  24-10-2021, 15:00 a Pustget CB Trun/Rabius 1 Grp. - FC Landquart 1
4. ligia: 20-10-2021, 20:15 a Mutteins US Danis-Tavanasa 2 Grp. - US Schluein Glion 2

trun/rabius el quartfinal dil cup svizzer

Co surmunta Trun/Rabius il nausch resultat dalla davosa fin d’jamna? Quei era la damonda cardinala avon il giug digl 1/8-final dil Cup svizzer la mesjamna sera a Mutteins. Legreivlamein han ils aspectaturs spert saviu encorscher che la terrada schai buc pli sco in toc fondue sil magun, aschia che la partida encunter il hosp dil cantun Turgovia ei dall’entschatta animada ed ulivada. L’emprema acziun malsegira s’auda lu era all’equipa da casa, mo in giugadur da Wängi vegn da liberar pauc avon la lingia dil gol. Cuort avon pausa sa Clau Berther vegnir frenaus ella da sedisch mo cun in foul. Patrizio Decurtins lai buc supplicar duas ga e setta il CBTR en avantatg.

Trun/Rabius vegn era suenter pausa plein curascha ord cabina e vegn ella 50. minuta entras Gianin Derungs tier il 2:0. Wängi seriscuda uss cun tutta forza e vegn siat minutas pli tard tier igl emprem gol entras Yanick Lanker. Ella 67. minuta speculescha Gianin Derungs endretg e nezegia ina malcapientscha denter in defensur ed il goli da Wängi aschia che Trun/Rabius meina danovamein cun dus gols differenza. Mo in giug da cup ei in giug da cup – ed aschia vegn Wängi paucas minutas pli tard entras Cristian De Rosa puspei da scursanir. Gianin Derungs sesenta denton bein sin siu plaz da casa a Mutteins e vegn cun ina tgaua e suenter ina biala cumbinaziun tier siu hattrick da quella sera. Wängi ha uss buc pli la forza da reagir, aschia che Trun/Rabius resta sco sulet representant dil cantun Grischun el Cup svizzer – ni per declarar ei cun ils plaids dil trenader da Trun/Rabius Philippe Vincenz: "Nus savein passentar igl unviern (überwintern) naziunal".

 

informaziuns: Cup svizzer, 1/8-final; Trun/Rabius - Wängi 4:2 (1:0); Mutteins, Tavanasa – 120 aspectaturAs

gols: 45. Patrizio Decurtins 1:0 (penalti), 50. Gianin Derungs 2:0, 57. Yanick Lanker 2:1, 67. Gianin Derungs 3:1, 73. Cristian De Rosa 3:2, 82. Gianin Derungs 4:2

Trun/Rabius: Mauricio Cathomas; Damian Schmed, Livio Janka, Ramon Orlik, Sandro Orlik; Daniel Pfister (60. Robin Monn), Mathias Flepp, Salvatore Stagliano (74. Denis Monn), Clau Berther (60. Remo Alig); Patrizio Decurtins, Gianin Derungs (88. Lucas Maissen)

Wängi: Thierry Rusch; Dominic Holenstein, Matthias Tuchschmid, Fabian Widmer, Simon Böhl; Oliver Burgermeister, Mauro Schüepp, Yanick Lanker; Michael Schneider, Björn Queetz, Cristian De Rosa

remarcas: Trun/Rabius senza Fabio Caduff, Beat Cadruvi, Orlando Monn, Silvan Muoth, Mirco Pfister

       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch