proxims giugs digl atun 2021

3. ligia:  03-10-2021, 16:00 ad Eschenbach FC Eschenbach 1 - CB Trun/Rabius 1 Grp.
4. ligia: 02-10-2021, 18:45 a Mutteins US Danis-Tavanasa 2 Grp. - Cuera 97 2a
5. ligia: 29-09-2021, 20:00 a Rabius CB Trun/Rabius 3a Grp. - US Rueun 1

dau ô da pugn ils treis puncts

La partida entscheiva mal per Trun/Rabius. Gia suenter sis minutas va Glaruna en avantatg cun in bellezia siet da distanza entras Vasiljevic. L’equipa da casa serevegn denton da quella emprema frida ed anfla meglier el giug. Cuort avon pausa gartegia ei a Gianin Derungs suenter buna preparaziun da Sandro Orlik da marcar igl emprem gol pil CBTR. Siat minutas ein giugadas suenter pausa che danovamein Gianin Derungs semetta atras ella da sedisch ed aulza il resultat sin 2:1. Silsuenter ei la partida signada da bia malruasseivladad e cumbats. Ella 72. minuta emprova Livio Janka da liberar ell’atgna da sedisch, il bal setschenta denton exact sil pei da Dovicak e lez egualisescha. Ussa vegn la partida aunc pli nervusa ed emoziunala. Quei nezegian ils hosps da Glaruna e van 10 minutas avon la fin en avantatg suenter in culp liber ed ina tgaua da Heinzer. Trun/Rabius vegn buc pli da reagir, aschia ch’ei resta tiel 2:3 pil capogruppa.

Il CB Trun/Rabius ha muossau ina buna prestaziun, dat denton – cun seschar en damemia sin las provocaziuns da Glaruna – ô da pugn la partida ed aschia la victoria.

 

informaziuns: 3. ligia gruppa 1; CB Trun/Rabius – FC Glarus 2:3 (1:1); Pustget, Trun – 210 aspectaturs

gols: 6. David Vasiljevic 0:1, 40. Gianin Derungs 1:1, 52. Gianin Derungs 2:1, 72. David Dovicak 2:2, 80. Thomas Heinzer 2:3

Trun/Rabius: Mauricio Cathomas; Damian Schmed, Livio Janka, Ramon Orlik, Sandro Orlik; Mathias Flepp, Denis Monn, Clau Berther (59. Orlando Monn), Salvatore Stagliano (68. Beat Cadruvi), Patrizio Decurtins; Gianin Derungs (78. Fabio Caduff)

Glaruna: Patrik Horner; Juan Manuel Traba Baumgartner, Thomas Heinzer, Alain Hofer, Eldon Bullaku; Franco Elmer, Gianluca Zimmermann, Silas Gabriel, David Vasiljevic; Marco Conte, David Dovicak

remarcas: Trun/Rabius senza Remo Alig, Daniel Pfister; cornas: Trun/Rabius 4, Glaruna 3

       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch