pausa d'unviern

Il CB Trun/Rabius admetta a tuts in cordial engraziament pil sustegn sin ina ni l'autra fuorma duront igl onn 2019! 

  • funcziunaris

    president Otto Beer +41 79 610 54 21 This email address is being protected from spambots. You need JavaScript enabled to view it. cassier
    Read More
  • 1. equipa

    giugadurs #1 Andri Nay #12 Mauro Alig #2 Orlando Monn
    Read More
  • 2. equipa

    giugadurs #1 Flavio Schuoler #15 Silvan Cajacob #2 Christof Derungs
    Read More
  • trenaders

    1. equipa Donat Albin (C) +41 78 602 57 77
    Read More
  • juniors

    juniors A - IG Surselva a Grp. (Coca-Cola-League) juniors B2 - IG
    Read More
  • seniors

    Bei den Senioren ist jeder willkommen der das fussballerische Seniorenalter
    Read More

+3 - finiziun gartegiada pil cb trun/rabius

Il davos giug dalla sesiun d’atun gudogna il CBTR a Sargans cun 1:2. Dus, tschun ni otg puncts differenza silla cua dalla tabella? – Quei era la damonda centrala avon il davos giug da campiunadi avon la pausa d’unviern. Cun ina victoria ordeifer encunter ils davos, Sargans, vess Trun/Rabius saviu sedistaccar dallas equipas el tschaler dalla tabella. Ina sperdita vess perencunter muntau ch’igl avantatg sil streh fuss sereducius in bienton. Aschia han ins bein saviu tschintschar d’in schinumnau «giug da sis puncts» encunter l’equipa da Sargans.

Tier fleivlas circumstanzas da glisch ed aura scardalida dat gl’arbiter liber il giug avon ina biala culissa d’aspectaturs. Ch’il giug ei era pil caucasa da Sargans da grond’impurtonza han ins gia encurschiu las empremas minutas. L’equipa songagliesa ei presenta els cumbats e va cun lur emprema schanza lu era gest en avantatg: Gl’attacader Ronny Schumacher vegn ord cuorta distanza da deviar ina flanchetta cul tgau e marchescha aschia gia ella siatavla minuta igl 1:0 per Sargans. Trun/Rabius vegn buca propi el giug, cunzun l’offensiva ei aunc buca presenta. Quei semida pér suenter ina mes’ura ed in’acziun singula dil giugadur d’ala Clau Berther. Muort in sbagl individual dil defensur dalla vart da Sargans vegn el vid il bal e cuora cun tempo viers il gol. Cun in crutsch meina el ora il defensur central e setta il bal ord pleina currida cul seniester ella reit – 1:1. Schegie che Sargans vegn aunc tier duas bunas occasiuns da marcar in gol van las equipas cun quei pari ella pausa.

Gl’emprem quart d’ura suenter il te regorda fetg al giug avon pausa. Las duas equipas neutraliseschan per gronda part ina l’autra ed aschia vesan ils aspectaturs bialas acziuns offensivas ni dil caucasa, ni dils hosps dalla Cadi. Pér duas attacas d’energia dil defensur dalla vart, Sandro Orlik, portan puspei slontsch el giug. Duas gadas cuora el cun perschuasiun cul bal vid il pei ord l’atgna mesadad encunter anavon e survarga plirs cuntergiugadurs. Omisduas gadas munchenta el denton il dretg mument da sittar ni da dar giu il bal. Ussa va il giug vi e neu:  Suenter in corner gartegia Damian Schmed cun ina ferma tgaua la traversa. Era Sargans vegn en quella fasa dil giug puspei tier bunas schanzas. Suenter ina biala flanca dalla vart dretga munchenta gl’attacader denton per pauc la finamira. La finfinala decida in standard il giug en favur dil CB Trun/Rabius. Ella 80avla minuta exequescha Beat Cadruvi cuort in corner sil Clau Berther che porta il bal cun in ferm siet a miez. Leu spetga il «joker» Salvatore Staglianó che marchescha senza problems igl 1:2 pils hosps. Schegie che Sargans vegn el temps da prolungaziun aunc inaga fetg prigulus ella zona da puniziun dils hosps resta ei tier la victoria pil CB Trun/Rabius.

Suenter igl effort ella secunda mesadad astg’ins tschintschar d’ina victoria meritda, schegie che quei ei buc stau la megliera prestaziun da quella mesa sesiun. Cun quater victorias, treis paris e quater sperditas terminescha il CB Trun/Rabius la sesiun d’atun a miez la tabella ed astga ir cun in bien sentiment ella pausa d’unviern. L’equipa da Donat Albin e Philippe Vincenz ha tochen uss bein perschuadiu ell’emprema sesiun suenter la promoziun en tiarza ligia.

 

informaziuns: 3. ligia, gruppa 1, FC Sargans – CB Trun/Rabius 1:2 (1:1); Sportanlage Riet, Sargans – 140 aspectaturs

gols: 7’ Ronny Schumacher 1:0, 33’ Clau Berther 1:1, 80’ Salvatore Staglianó 1:2

FC Sargans: Claudio Dosch, Sven Mathis, Raphael Kalberer, Fabian Schai, Benjamin Weber (84’ Nico Wickli), Simon Lutz (32’ Valentino Zollino), Marco Walser, Chris Tanner, Marco Giordano, Alexander Mannhart (46’ Pascal Papritz), Ronny Schumacher (73’ Magnus Hofmann) 

CB Trun/Rabius: Andri Nay, Sandro Orlik, Gion Andrea Nay, Damian Schmed, Fabian Cajacob (45’ Ramon Orlik), Denis Monn, Beat Cadruvi, Patrizio Decurtins, Ivo Albin (89’ Mirco Pfister), Clau Berther (83’ Kevin Albin), Remo Alig (64’ Salvatore Staglianó)

remarcas: cartas melnas: 53’ Damian Schmed (foul), 60’ Denis Monn (foul tactic), 95’Claudio Dosch (reclamar) – corners: Sargans: 5, Trun: 2. – Trun/Rabius senza Mauro Alig (malsauns), Carlo Gautschi (absents), Livio Janka, Daniel Monn, Orlando Monn e Joris Tomaschett (tuts blessai).

 

 

  • bènaltè!

    bènaltè! 2018 - 3. ediziun Miez uost ei la tiarza ediziun dil bènaltè! cumparida. Ils habitonts dallas vischnauncas Sumvitg e Trun
    Read More
       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch