proxims giugs

19-10-2019, 16:00 CB Trun/Rabius II - FC Sargans IIb
20-10-2019, 15:00 CB Trun/Rabius I - FC Buchs I
  • funcziunaris

    president Otto Beer +41 79 610 54 21 This email address is being protected from spambots. You need JavaScript enabled to view it. cassier
    Read More
  • 1. equipa

    giugadurs #1 Andri Nay #12 Mauro Alig #2 Orlando Monn
    Read More
  • 2. equipa

    giugadurs #1 Flavio Schuoler #15 Silvan Cajacob #2 Christof Derungs
    Read More
  • trenaders

    1. equipa Donat Albin (C) +41 78 602 57 77
    Read More
  • juniors

    juniors A - IG Surselva a Grp. (Coca-Cola-League) juniors B2 - IG
    Read More
  • seniors

    Bei den Senioren ist jeder willkommen der das fussballerische Seniorenalter
    Read More

negins puncts ella val puschlav

Suenter la fleivla prestaziun a casa encunter Bogn Ragaz eran ins spanegiai sin la reacziun dall’equipa dil CB Trun/Rabius. A Brusio encunter la Valposchiavo Calcio eis ei per neginas equipas sempel da recaltgar puncts, denton vegn quella partida e quei adversari forsa gest il dretg mument.

Muort in accident da traffic e cheutras ina serrada pli liunga dalla via ella Tumliasca entscheiva la partida cun 10 minutas retard. Il CB Trun/Rabius muossa denton gia dall’entschatta che quei incap disturba buc els e ch’ei vulan far bien la schliata prestaziun d’avon ina jamna. Gia suenter treis minutas setta Ivo Albin entras ina biala cumbinaziun sur l’ala dretga ed ina precisa flanca da Patrizio Decurtins il gol pil CBTR. Quei gol porta bein ina certa segirtad als hosps, denton surlaian els pli e pli la bitgetta dil giug all’equipa da casa. Denton stattan ils Sursilvans puspei pli cumpact e laian cheutras buc tier grondas schanzas ord il giug. Sulettamein suenter situaziuns da standard gartegia ei als Puschlavins da vegnir malsegirs. Il goli dil CBTR Andri Nay ei denton sin post e possibilitescha als hosps entras duas bialas paradas suenter ina tgaua ed in siet ord cuorta distanza ella 20avla respectivamein ella 32avla minuta dad ir cun igl avantatg dad in gol ella pausa.

Suenter pausa vegn la partida pli intensiva. L’equipa da casa emprova uss cun emoziuns dad influenzar igl arbiter giuven e da metter pli sut squetsch il CB Trun/Rabius. Igl ei era enconuschent ch’ils giugadurs da Puschlav crodan in tec pli spert a tiara ch’autras equipas, cheutras emprovan els incuntin da vegnir tier culps libers sin cuorta distanza. In da quels culps libers meina lu era agl 1:1. Suenter in ferm e plazzau siet a bass da Siate vegnan ils Puschlavins dad egalisar.

Sil pli tard uss vegn la partida pli emoziunala ed agressiva. L’equipa dalla Cadi selai deplorablamein en sin quei giug e piarda empau il fil. Quei nezegia la Valposchiavo Calcio senza risguard ed aulza ella 70avla minuta entras Merlo il resultat sin 2:1. Tschun minutas pli tard suonda schizun il 3:1 per l’equipa da casa. Suenter in conter ed ina biala midada da vart pren Siate il bal ella da sedisch cun il bratsch, igl arbiter ei denton memia lunsch naven per veser quei aschia che Siate setta siu secund gol en quella partida. Treis gols enteifer gnanc 15 minutas, il giug ei uss vulvius dil tuttafatg.

Finalmein sepeglia il CB T/R puspei e vegn anavos ella partida. En quella fasa muossan ils hosps morala e vegnan aschia era ella 87avla minuta entras Orlando Monn sin pass da Mirco Pfister tier il secund gol. Uss vegn ei aunc inaga interessant. Trun/Rabius smacca ils Puschlavins ella defensiva. Ella 94avla minuta vegnan ils Sursilvans aunc inaga tier in davos culp liber ord 35 meters. Tut ils giugadurs e schizun il goli Andri Nay van anavon. Il culp liber da Denis Monn vegn bein ella da sedisch, ei gartegia denton buc als hosps da nezegiar il smugl avon il goli da Puschlav, aschia ch’il giug va a fin cun la victoria per la Valposchiavo Calcio.

Ils giugadurs dil CB Trun/Rabius han mussau morala ed ina reacziun sin la fleivla prestaziun dil davos giug. Denton maunca ei aunc all’equipa l’experientscha ed era ina certa suveranitad co ir entuorn cun in avantatg e co buc schar surmenar dallas emoziuns. Sche l’equipa empren quei sch'eis ei era pusseivel da gudignar egl avegnir in tal giug intensiv.

 

informaziuns: 3. ligia, gruppa 1; Valposchiavo Calcio – CB Trun/Rabius 3:2 (0:1), Casai, Campascio. – 80 aspectaturs; arbiter: Solenthaler

gols: 3. Ivo Albin 0:1, 62. Siate 1:1, 70. Merlo 2:1, 75. Siate 3:1, 87. Orlando Monn 3:2

Trun/Rabius: Andri Nay; Fabian Cajacob; Damian Schmed, Gion Andrea Nay, Sandro Orlik (71. Mirco Pfister); Denis Monn, Salvatore Stagliano (63. Ramon Orlik); Ivo Albin (83. Beat Cadruvi), Livio Janka, Beat Cadruvi (46. Orlando Monn); Patrizio Decurtins (74. Kevin Albin)

Valposchiavo Calcio: Viviani; Solèr, Kalt, Fiorina M., Fiorina A. (72. Nussio); Merlo (88. Menghini), De Campo (83. Raselli), Plozza; Siate, Pola, Phatphuang (46. Rampa)

remarcas: Cartas melnas: 53. Sandro Orlik (foul), 53. Pola (revanchefoul), 83. De Campo (foul), 86. Rampa (reclamar), cornas 6:3

 

  • bènaltè!

    bènaltè! 2018 - 3. ediziun Miez uost ei la tiarza ediziun dil bènaltè! cumparida. Ils habitonts dallas vischnauncas Sumvitg e Trun
    Read More
       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch