proxims giugs

22-09-2019, 15:00 CB Trun/Rabius I - FC Bogn Ragaz I
21-09-2019, 17:00 CB Lumnezia II - CB Trun/Rabius II
  • funcziunaris

    president Otto Beer +41 79 610 54 21 This email address is being protected from spambots. You need JavaScript enabled to view it. cassier
    Read More
  • 1. equipa

    giugadurs #1 Andri Nay #12 Mauro Alig #2 Orlando Monn
    Read More
  • 2. equipa

    giugadurs #1 Flavio Schuoler #15 Silvan Cajacob #2 Christof Derungs
    Read More
  • trenaders

    1. equipa Donat Albin (C) +41 78 602 57 77
    Read More
  • juniors

    juniors A - IG Surselva a Grp. (Coca-Cola-League) juniors B2 - IG
    Read More
  • seniors

    Bei den Senioren ist jeder willkommen der das fussballerische Seniorenalter
    Read More

aulta terrada encunter domat

Per gl’emprem giug dalla sesiun ordeifer ha ei giu num da serender a Domat pil CB Trun/Rabius. Ed igl adversari che ha gia gudignau ils emprems dus giugs dalla sesiun ha gest naven dall’entschatta mussau daco ch’els han valiu sco favorits.

Suenter sulet ina minuta vegn in giugadur d’ala cun tempo ella da sedisch dils Sursilvans. Il defensur central Damian Schmedvegn mo da frenar el cun in foul ed aschia ha igl arbiter negina schelta, schula e muossa sil punct. Quei penalti metta il giuven attaccader da Domat Mitko Gjorgjievski denton vid la latta. Il squetsch da Domat resta vinavon immens. Per part vegnan ils hosps sur in liung temps buca vid il bal. Trun/Rabius sesprova denton da defender cumpact e las duas cadeinas da quater sestauschan bein vi e neu. Tuttina vegn il caucasa adina puspei prigulus avon gol e sieta in’ulteriura latta ella 26avla minuta. Cuort suenter schabegia ei lu tuttina e l’equipa da casa va meritadamein en avantatg – quei suenter in corner avisaus silla petga cuorta. La suletta schanza da gol ell’emprema mesadad han ils hosps da Trun/Rabius ella 37avla minuta: In culp liber ord buna posiziun porta denton era nuot fritgeivel. Il resultat da 0:1 ei ord vesta dils hosps il punct positiv cura che gl’arbiter relascha ils giugadurs ella pausa.

Suenter pausa vegn Trun/Rabius meglier el giug, las bunas schanzas ha denton vinavon l’equipa cun mondura blaua da Domat. La 50avla minuta vegn il goli Mauro Alig da sviar in siet ella latta ed ils defensurs vegnan da sclarir en extrema. Denton mo diesch minutas pli tard aulza Domat il resultat sin 2:0: Il capitani Nsingui Lebientila dall’ala seniastra encunter miez, lai ora dus giugadurs e plazzescha in ferm siet schuber el cantun cuort. Ils indigens paran suenter quei gol denton dad esser memia segirs dalla caussa. La 63avla minuta vegn l’equipa da Trun/Rabius puspei anavos el giug. Suenter in sbagl individual ella defensiun da Domat stauscha il giugadur d’ala Clau Berther il bal en la currida da Patrizio Decurtins che ha neginas difficultads da marcar cun l’emprema propi buna schanza il 2:1 ord vesta sursilvana. En quella fasa tegn il CB Trun/Rabius petg all’equipa da Domat. Denis Monn metta plinavon in culp liber ord buna posiziun mo lev sur il gol. Mo il caucasa resta medemamein prigulus e vegn ella 84avla minuta da marcar il tierz gol. In culp liber ord biebein 25 meters metta il defensur Enes Salihagiccun in ferm siet ella reit. Cheu fa il giuven goli da Trun che ha avon priu ora enqual buna schanza buc aschi ina buna pareta. Suenter quei gol resigneschan ils hosps da Trun/Rabius. Aschia vegn Domat aunc da far dus ulteriurs gols ellas davosas minutas: Suenter in sbagl ella defensiun marchescha Gjorgjievski siu secund gol persunal ed era Salihagicvegn il temps da prolungaziun aunc da far in ulteriur gol suenter in corner.

Il tierz giug va Trun/Rabius l’emprema ga cun ina sperdita giu dil plaz. Ils favorits da Domat ein semplamein stai memia buns, cunzun cun ils giugadurs agils e tecnicamein ferms ell’offensiva han ins ord vesta dils hosps giu miserias. Il proxim giug gioga Trun/Rabius puspei ina mesjamna sera: ils 11 da settember serenda l’equipa a Gams el cantun Sogn Gagl. Quella equipa deva – sco il CB Trun/Rabius era – tschei onn aunc en quarta ligia. Pia, ina buna caschun dad ir per ils emprems treis puncts.

 

informazins: 3. ligia, gruppa 1; Domat – CB Trun/Rabius 5:1 (1:0); Vial, Domat. – ca. 120 aspectaturs

gols: 33’ Gjorgjevski 1:0, 60’ Lebien 2:0, 63’ Decurtins 2:1, 84’ Salihagic 3:1, 86’ Gjorgjevski 4:1, 91’ Salihagic 5:1.

CB Trun/Rabius: Alig, Sandro Orlik, Nay, Schmed, Cajacob (84’ Berther), Berther (70’ Pfister), Cadruvi (46’ Albin), Denis Monn, Daniel Monn (46’ Decurtins), Staglianó (77’ Janka), Decurtins (28’ Orlando Monn).

Domat: Koch, Caluori, Beso, Salihagic, Corucci, Frizzoni, Dragic, Kadic, Hofer (68’ Tanno), Lebien, Gjorgjevski

remarcas: cartas melnas: 66’ Beso (foul), 83’ Cajacob (foul), 85’ Tanno (foul) 88’ Schmed (foul). - corners: Domat: 13, Trun: 1

 

 

 

  • bènaltè!

    bènaltè! 2018 - 3. ediziun Miez uost ei la tiarza ediziun dil bènaltè! cumparida. Ils habitonts dallas vischnauncas Sumvitg e Trun
    Read More
       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch