proxims giugs

25-08-2019, 15:00 CB Trun/Rabius I - FC Triesenberg I
31-08-2019, 16:30 CB Trun/Rabius II - FC Bogn Ragaz IIa
  • funcziunaris

    president Otto Beer +41 79 610 54 21 This email address is being protected from spambots. You need JavaScript enabled to view it. cassier
    Read More
  • 1. equipa

    giugadurs #1 Andri Nay #12 Mauro Alig #2 Orlando Monn
    Read More
  • 2. equipa

    giugadurs #1 Flavio Schuoler #15 Silvan Cajacob #2 Christof Derungs
    Read More
  • trenaders

    1. equipa Donat Albin (C) +41 78 602 57 77
    Read More
  • juniors

    juniors A - IG Surselva a Grp. (Coca-Cola-League) juniors B2 - IG
    Read More
  • seniors

    Bei den Senioren ist jeder willkommen der das fussballerische Seniorenalter
    Read More

3 puncts che han custau bia gnarva

Cunquei che s. Pieder ha questa primavera aunc giu il ferm desideri dad ir vinavon cun skis e per quei motiv aunc schau neiver beinenqual ga dapli che necessari, ha l'entschatta dalla runda da primavera stuiu vegnir spustada pliras ga. Ils 18 d'avrel da Gievgia sontga sera eis ei la finfinala stau aschi lunsch; a Rabius ha l'emprema equipa dil CB retschiert igl adversari da Laax per entscheiver la runda da primavera. 

L'entschatta dil giug han omisduas equipas empau da schuffa da vegnir el giug; las relaziuns dil plaz engrevieschan la controlla dil bal e lubeschan buca propi in giug cultivau. Forsa ei quei fatg era d'attribuir alla nervusadad dall'entschatta - tgisà. En mintga cass ei l'emprema fasa dil giug marcada d'ina pluna bals malexacts e per consequenza van biars bals a piarder pulit tgunsch - seigi quei ton tiel caucasa sco tiel hosp da Laax. 

Tec a tec sedattan sin omisduas varts dil plaz schanzas; aschia vegn il Remo la 12avla minuta tier in siet sin gol, il qual munchenta perencunter la finamira. Ina minuta pli tard sdrema il bal schizun la latta - quei suenter ina "flanca crappada giu" (citat Tiz) dil Beat. Propi malsegir vegn ei silsuenter denton buca pli e las schanzas sedattan plitost casualmein ni suenter conters. In da quels succeda la 18avla minuta entras nies cametg dall'ala seniastra Orlando. Il bal empau memia liung po il goli denton tier ina millisecunda avon igl Oli, aschia ch'era quella caschun ei vargada. Tenor in da nos trenaders en giacca verda havess ei silmeins stuiu dar penalti ed ina carta cotschna; ils giugadurs sin baun da reserva han denton giudicau quei empau auter ... 

Il giug cuntinuescha ed ils siets ord la secunda e per part tiarza retscha munchentan perencunter il pli savens il rectanghel garegiau culla reit ner-alva. Ultra da quei ein stafettas da bal sur treis staziuns raras - sin omisduas varts. D'in giug attractiv san ins buca propi tschintschar tochen dacheu. L'emprema scena cun potenzial da malsegirtad succeda la finala la 24avla minuta entras in culp liber sittaus dil Salvatore. Il capitani sieta il bal cun forza sin gol, nua ch'igl um en ner sclarescha denton il bal el stil d'in giugadur da ballareit (volleyball per tgi che preferescha la noziun englesa). 

Malgrad ch'il CB surpren suenter biebein mes'ura empau la controlla dil giug e fa dapli squetsch silla defensiun da Laax, reussescha ei tscheu e leu adina puspei all'equipa dalla Foppa da vegnir tier in'occasiun da gol ni l'autra, la quala nossa defensiun vegn denton da sclarir senza miserias. Tochen pausa suondan ulteriurs siets ord la distanza. Ton il Clau sco il Salvatore ed il Beat gartegian denton buca leu nua che quintau, aschia ch'ei resta aunc tier il 0:0. 

Suenter il te da pausa sepresenta il CB a moda pli decisiva sil plaz; ils giugadurs paran da vuler uss per tut prezi la victoria. Encunter las spetgas ed il decuors dallas empremas minutas suenter la midada da vart reussescha ei ad in attaccader da Laax da mitschar sur l'ala viers il gol. Nies defensur dretg Sandro vegn da retener l'attacca - denton ei igl arbiter dil meini che quei seigi succediu cun mieds nunlubi. Negin en ner ed alv capescha la decisiun, denton selai quella buca midar. Aschia stat igl Andri avon siu emprem ver test - in "bènaltè"! Sco sch'el havess aunc mai fatg enzatgei auter reagescha igl Andri endretg e salva aschia il 0:0 a sias colurs. 

Il CB fa ussa l'impressiun dad esser aunc pli decidius e fa vinavon squetsch sil gol da vart dil kiosk improvisau. Il mument semuossa quei entras in surpli dil possess da bal, sco era entras dapli siets sin gol; in siet dil Clau la 65avla minuta tucca schizun la petga. Denton era Laax vegn adina puspei da lantschar conters malsegirs. Il tudestg numnass ina tala situaziun "offener Schlagabtausch". La persistenza dil CB sepaga allura la 66avla minuta; malgrad ch'il goli vegn da parar igl emprem siet, setschenta il secund siet dil Salva ellas maschas ed igl 1:0 meritau ei realitad. Pauc pli tard havess ei schizun saviu haver num 2:0. Igl Oli vegn entras ina bial'acziun singula cul bal ella da sedisch e sieta sin gol. Il goli parescha il bal mo miez, denton munchenta il Remo per pauc il gol cun siu siet. Cheu ha Laax aunc inaga giu cletg ... 

La fasa finala dil giug seporschan ulteriuras pusseivladads da sittar gols, denton resta ei mo tier igl 1:0. Entras ina decisiun d'offside totalmein absurda ed il conter da Laax havessen dus dils treis puncts denton saviu esser piars aunc la 92avla minuta. Il siet suenter ina flanca dall'ala dretga setschenta numnadamein silla latta dil gol dil CB. Quei fuss stau donn per la prestaziun dalla secunda mesadad ord vesta dil CB. Duront quella eis ei gartegiau meglier als giugadurs da tener il bal sut controlla ed ins ei per part vegnius da mussar bialas stafettas da bal. Tut en tut vala ei denton aunc da migliurar la precisiun dils siets sin gol. La pusseivladad da far quei seporscha gia Gliendisdis Pastgas a caschun dil giug encunter il CB Surses. 

Per finir vala ei d'engraziar als numerus aspectaturs che han procura per ina bial'atmosfera spel plaz da bal a Rabius.

 

Informaziuns: 66’ 1:0 Salvatore Staglianó

Formaziun: Andri Nay – Fabian Cajacob, Damian Schmed, Livio Janka, Sandro Orlik – Denis Monn, Beat Cadruvi, Salvatore Staglianó (C), Orlando Monn – Clau Berther (78' Ivo Albin), Remo Alig (83' Carlo Gautschi)

Reservas: Christoph Derungs, Ramon Orlik, Mattias Candinas, Ivo Albin, Carlo Gautschi

 

  • bènaltè!

    bènaltè! 2018 - 3. ediziun Miez uost ei la tiarza ediziun dil bènaltè! cumparida. Ils habitonts dallas vischnauncas Sumvitg e Trun
    Read More
       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch