• home

fatg ils pensums da casa

Gliendisdis Tschuncheismas ei il giug encunter l'equipa da Val S. Pieder staus sil program da 4. ligia. Suenter duas terradas consecutivas ha ei giu num seprender ensemen e recaltgar treis puncts. Quei pensum han ils giugadurs dall'emprema adempliu - buca dapli e buca dameins. 

Continue Reading

pre-giugs dil final dalla champions-league

Omisduas equipas stattan la sonda las medemas uras sil plaz. Quei aunc ad uras per silsuenter saver mirar il final dalla Champions League.

4. ligia: L'equipa da Mario Solèr e Carlo Tuor ha da serender a Taminatal pil proxim giug da campiunadi. Leu spetga in niev plaz da ballapei sils giugadurs dil CB. Lein mirar co els vegnan a frida cullas novas cundiziuns sil plaz slargiau. Il giug ha liug sonda sera las 17:00 uras. 

5. ligia: FC Sedrun/Mustér vs. CB Trun/Rabius ha il proxim derbi dalla Cadi num, il qual vegn daus sonda sera las 17:00 uras sil plaz da ballapei a Dulezi. Cun Sedrun spetga in'equipa ch'ei da puder; en scadin cass vegn ei a dar in interessant giug sch'ins patratga cheu vid las partidas dils davos onns.