proxims giugs digl atun 2022

3. ligia:  08-10-2022, 16:00 a Ruggell FC Ruggell 1 - CB Trun/Rabius 1 Grp.
  4. ligia: 09-10-2022, 15:00 a Mutteins US Danis-Tavanasa 2 Grp. FC Celerina 1 Grp.
5. ligia: 08-10-2022, 17:00 a Vella CB Lumnezia 2 - CB Trun/Rabius 3a Grp.

in hattrick suenter pausa decida il giug

Il giug denter Trun/Rabius e la secunda'equipa da Domat entscheiva cun entginas mesas schanzas per omisduas equipas. Quellas schanzas seresultan pil pli entras situaziuns da standard ni entras sbagls. Ella 24avla minuta arva Daniel Pfister il score, igl 1:0 per l'equipa da casa suenter in'acziun cun bia engaschi ed era empau cletg. Cuort suenter ha Trun/Rabius aunc la gronda schanza d'alzar il resultat entras Orlando Monn, mo il siet va suro. Suenter mes'ura vegn lu Domat era meglier el giug e promt capeta igl 1:1 suenter ina malprecauziun ella defensiva. In schoc per l'equipa indigena. Ei suonda ina fasa cun massa sperditas da bals e pigns fouls. Entochen pausa han lu aunc omisduas equipas schanzas da sittar gols, la pli gronda ha Patrizio Decurtins che tucca denton mo la petga. Aschia va ei cul resultat dad 1:1 ella pausa.

Suenter pausa vesan ins spert che Trun/Rabius ei buca cuntents mo cun in pari. Gianin Derungs ha gia baul la gronda schanza d'alzar il resultat, mo il bien goli da Domat perschuada inaga dapli cun ina parada. Ella 49avla minuta schabegia ei lu finalmein. Ils indigens van en avantatg entras in gol da Patrizio Decurtins. Da menziunar ei cheu cunzun igl assist culla sola dad Orlando Monn. Uss ei il giug lantschaus ed ei suonda puspei ina fasa cun ina schanza suenter l'autra per omisduas equipas. Patrizio Decurtins nezegia ina da quellas suenter ina bial'acziun singula cun in siet el cantun a bass, 3:1. Il giug para cun quei dad esser decidius e puspei domineschan fouls e malexactadads la davosa mes'ura dil giug. Suenter 70 minutas aulza puspei Patrizio Decurtins sin 4:1, quei suenter in corner. Igl attaccader setta pia in hattrick enteifer biebein 20 minutas! Silsuenter suondan puspei entginas situaziuns da standard ed ina da quellas meina al 5:1 per l'equipa da casa. Il giuven defensur Lucas Maissen fa siu emprem gol per Trun/Rabius entras in gol cul tgau.

Trun/Rabius gudogna il giug suenter ina buna prestaziun cunzun gest suenter pausa e va per treis puncts impurtonts encunter in adversari che sesanfla ella medema regiun dalla tabella. Aschia vegn Trun/Rabius da sedistaccar empau dil streh da relegaziun.

Continue Reading

bènaltè! 2022

Ina nova sesiun da ballapei stat avon porta – e sco usitau ils davos onns astga era il «bènaltè!» buca muncar en quei connex. Suenter ina perioda signada dil virus da corona essan nus sefatschentai da rudien cul plascher che quei bellezia sport porta a nus. 

Denter auter havein nus dedicau entginas paginas all'infrastructura dil CB – ed agl idealissem che regeva e che regia aunc adina en caussa. Quels capetels muossan ch'ins astga era haver siemis ed illusiuns el senn da «Dream Big!». 

Plinavon vegnan era persunas arrivadas da nies club purtretadas. Tgisà, forsa vegnis vus gie sissu enzatgei che vus savevas aunc buc da quels tals? 

Era las monduras cotschnas han in plaz special en nossa siatavla ediziun, gest sco ils camps da trenament dallas differentas equipas. À propos equipas: L'equipa dalla giuvnas vegn uonn presentada vastamein. 

En quei senn giavischein nus a vus tuts bien divertiment culla lectura e selegrein sch'igl ei reussiu da svegliar vies interess cun in ni l'auter tema. Ina buna sesiun e sin che quella porti alla glisch novas historias che valan la peina da vegnir screttas el «bènaltè!». ;-)

Il «bènaltè!» 2022 en fuorma da PDF saveis vus telecargar cheu

       

CB Trun/Rabius  |  Caum postal 153  |  CH-7166 Trun  |  +41 78 789 74 36  |  secretari@cb-trun-rabius.ch