Pil quart giug dalla primavera ha il CB Lumnezia beneventau il CB Trun/Rabius, il derbi ha giu liug a Vella.
Igl ei stau in impurtont giug per omisduas equipas. Ellas ein buca mo geograficamein maneivel, mobein era ella tabella sesanflan els sin plazza otg e nov.
Entschiet ha il giug ruasseivlamein. Il plaz pulit malulivs ed entras quei han las equipas empruau da vegnir el giug cun bals liungs. Ils Lumnezians encurevan savens Andriu Alig, lur attaccader, per daventar malsegirs avon il gol. Il CB Trun/Rabius ha pliras gadas sittau ord la distanza, denton senza success. Igl ei stau in vi e neu cun entginas schanzas per omisduas equipas. Tochen pausa resta il giug denton senza gols, cun levs avantatgs pil CB Trun/Rabius.
Suenter pausa daventa il giug pli aviarts. Lumnezia ha bunas pusseivladads suenter acziuns da standard. Ella 53avla minuta ha il CB Trun/Rabius ina gronda schanza suenter in sbagl dil goli da Lumnezia; il bal anfla denton mo la via ella petga e buca da gol en. In mument pli tard, ella 61avla minuta, profitescha Nico Caduff d’in sbagl ella defensiun da Lumnezia e marca il 0:1 per Trun/Rabius. Mo quater minutas pli tard anfla ina flanca la via directa en gol, Nico Caduff fa siu secund gol. Il CB Lumnezia vegn denton da reagir fetg spert ed Andriu Alig profitescha d’in sbagl ella defensiun da Trun/Rabius e fa igl 1:2.
Lumnezia emprova silsuenter d’egualisar, anfla denton buca la via tras la defensiun da Trun/Rabius che defenda concentrau. Il giug ei daventaus pli intensivs. Ella 88avla minuta suenter ina biala cumbinaziun decida Toni Cathomas la partida cun in siet precis el cantun liung – igl 1:3.
Aschia porta il CB Trun/Rabius a casa ils treis puncts suenter ina prestaziun collectiva ferma.
informaziuns: 3. ligia, gruppa 1; CB Lumnezia vs. CB Trun/Rabius 1:3 (0:0)
gols: 61’ e 65’ Nico Caduff, 67’ Andriu Alig, 88’ Toni Cathomas
CB Trun/Rabius 1: Livio Lozza, Elia Schmed, , Aurelio Carigiet, Mathias Flepp (C), Andrin Wolf, Andre Canas Da Silva, Matia Friberg, Nico Caduff, Robin Monn, Mirco Pfister, Daniel Lopez
reservas: Enea Decurtins, Toni Cathomas, Denis Monn, Andri Carigiet, Tim Loretz, Livio Vincenz
remarcas: CB Trun/Rabius senza: Patrizio Decurtins, Gianin Derungs, Lucas Seiler, Orlando Monn, Rovin Schmed, Silvan Muoth, Matteo Bergamin, Roel Schmed, Nic Culan Jacomet, Tizian Duff