Il CB Trun/Rabius ha giugau il secund giug dalla primavera a Pustget encunter la secunda equipa da Cuera.
Ell’emprema mesadad ei il giug staus ualti ulivaus. Ils Sursilvans ein stai plitost defensivs ed aschia ha igl adversari saviu schar circular il bal en sias retschas. Ils giugadurs da Cuera 97 ein aschia era vegni tier ina ni l’autra schanza, che han denton buca menau ad in gol. La defensiun dil CB Trun/Rabius sco era la traversa dil gol ha impediu ch’igl adversai ha saviu ir en avantatg. Era il Sursilvans han giu in pèr schanzas, mo ei muncava il davos pass decisiv per marcar in gol. Entras quei steva ei da pausa 0:0.
Suenter pausa ha ei buc duvrau ditg tochen ch’igl emprem gol dil giug ei capitaus. Ella 57avla minuta vegn Trun/Rabius tier in culp liber. Quel porta André Canas da Silva ella da sedisch sil tgau dad Orlando Monn che meina il bal ella reit. Cuort suenter, ella 65avla minuta, ein quels da Cuera era vegni tier in culp liber e vegni dad egalisar il resultat. Silsuenter ei igl adversari dalla capitala aunc vegnius tier enqual schanza, denter auter han els era tuc la petga. Aschia finescha il giug senza in victur e las duas equipas ston parter ils puncts.
Quei punct ei staus impuronts per il CB Trun/Rabius, damai che l’equipa da Cuera sesanflava mo in plaz davos l’equipa dalla Cadi. Aschia han ils Sursilvans saviu mantener lur plaz ella tabella. Il proxim giug ei la sonda proxima a Sargans.
informaziuns: 3. ligia, gruppa 1; CB Trun/Rabius vs. FC Chur 97 2 1:1 (0:0)
gols: 57’ Orlando Monn, 65’ Zoran Manojlovic
CB Trun/Rabius 1: Samuel Flepp, Elia Schmed, Lucas Seiler, Mathias Flepp (C), Orlando Monn, Mirco Pfister, Matia Friberg, Nico Caduff, Robin Monn, Andrè Canas Da Silva, Daniel Lopez
reservas: Matteo Bergamin, Enea Decurtins, Toni Cathomas, Livio Vincenz, Gianin Derungs, Andri Carigiet, Tim Loretz
remarcas: CB Trun/Rabius senza Denis Monn, Rovin Schmed, Andrin Wolf, Silvan Muoth, Roel Schmed, Nic Culan Jacomet, Tizian Duff, Aurelio Carigiet, Patrizio Decurtins, Livio Lozza