La fin mars han 20 giugadurs dall’equipa da 5. ligia priu part al camp da trenament a Tenero. Ferton ch’igl ei d’in maun secapescha vegniu trenau intensivamein, ein era caschuns per promover il spért d’equipa buca vegnidas alla cuorta. Denter ils trenaments ein ils giugadurs per part stai fetg creativs en connex. Plinavon havein nezegiau la sonda suentermiezdi per flanar per Lugano entuorn; suenter ina buna tscheina havein nus allura aunc visitau il giug da Lugano encunter Servette. La dumengia essan la fin finala puspei turnai a casa cun treis buns trenaments ellas combas ed ina valischa plein anecdotas.
