Nova sesiun – niev cletg – niev «bènaltè!». Uonn astgeis vus puspei tener enta maun in magazin stampau e buca «mo» leger ni tedlar quel a moda digitala. Nus sperein che quella fuorma anfli puspei bun’accoglientscha tier tut nosSas lecturAs.
L’ediziun dad uonn havein nus dedicau al tema blessuras. In tema ch’accumpogna deplorablamein beinenqualinA duront la carriera da ballapei – tgi dapli e tgi meins. Nus dilucidein blessuras da differentas perspectivas, discurrin cun expertAs davart process dil tgierp, consequenzas da tut ils geners, mo plidentein era pusseivladads da prevegnir a blessuras.
Tscheu e leu cuntegn novavla ediziun dil «bènaltè!» entgins codes QR, ils quals aviseschan a cuntegns digitals en caussa. Bugen envidein vus da consultar quels links e da rir ni smarvigliar dil presentau 😉
Cun quels plaids giavischein nus bien divertiment e selegrein da seveser da buna sanadad sil e spel plaz da bal. 🙂
Il «bènaltè!» 2024 en fuorma da PDF saveis vus telecargar cheu.