Suenter la victoria da 6:1 encunter Flums frunta il CB Trun/Rabius ella 20avla runda dil campiunada da 3. ligia sin igl FC Schaan. L’equipa dil pincipadi ei gia promovida per la 2. ligia regiunala ed ha mussau cun 18 victorias, in pari ed ina in terrada in fetg ferm campiunadi.
Avon ina loscha culissa da 28 aspectaturs (varga la mesadad era ascpectaturs da Trun), entscheiva il giug meglier pil caucasa – claras caschuns da marcar mauncan denton. Era il CB Trun/Rabius vegn entras cunterataccas tier lur empremas caschuns, las acziuns vegnan denton buc giugadas bein a fin. Suenter 25 minutas ha Schaan l’emprema gronda caschun da marcar, denton sa Andri Carigiet aunc sclarir il bal sin lingia. Duas minutas pli tard sa Schaan denton tuttina marcar igl 1:0 suenter in sbagl individual dil defensur da Trun. Schaan lai buc suenter e tegn vinavon fetg bein il bal ellas atgnas retschas. Ellas davosas 5 minutas avon pausa nezegian els ora cun saung freid ils sbagls da Trun, numnadamein siettan els ella 40., 42. e 45+1avla minuta 3 ulteriurs gols, quei mintgamai suenter spertas attaccas sur las alas. Aschia che las equipas van cun il resultat da 4:0 en la pausa.
La secunda mesadad va vinavon sco l’emprema; Schaan ha dapli dil giug e lai ir fetg bein il bal, denton vegn Trun/Rabius adina puspei tier cunterattaccas. Il capogruppa vegn da marcar 3 ulterius gols ella minuta 58., 70. e 72. minuta. Suenter in bal liung da Lucas Maissen sa Gianin Derungs marcar ella 78avla minuta il gol d’onur per l’equipa dalla Cadi avon che Daniel Sobkova marca siu tierz gol dil di cuort avon la fin. Ischia va quella partida a fin cun il resultat final da 8:1.
Schaan ei clar la ferma equipa ella gruppa 1 da 3. ligia ed ha mussau daco ch’els ein sigl emprem plaz dalla tabella. Per Trun/Rabius ei quei giug staus empau simtomatic per quella sesiun; ei vegn semplamein fatg bia memia bia sbagls individiuals che vegnen nezegiai cun saung freid sin quei nivel da 3. ligia. Il resultat dad 8:1 ei denton empau aults e corrispunda buc diltut dalla prestaziun mussada.
Per il CBTR vala ei ussa aunc inagada da sefocussar sin il davos giug da casa che ha liug proxima dumengia a Trun-Pustget encunter l’equipa da Triesenberg. Silsuenter frunta Trun ella davosa runda da campiunadi ordlunder sin Cuera97.
informaziuns: 3. ligia, gruppa 1; FC Schaan 1 – CB Trun/Rabius 8:1 (4:0)
gols: 27’ Fabio Quaderer, 40’ EG Damian Schmed, 42’ Lucas Alves Gomes, 45+1’ Fabian Biedermann, 58’ Matthias Quaderer, 70’ Daniel Sobkova, 72’ Daniel Sobkova, 78’ Gianin Derungs, 85’ Daniel Sobkova
FC Schaan: Igor Migueis Da Graca, Fabio Quaderer(C), Matias Antunovic, Helder Placido Martins Goncalves, Lucas Alves Gomes Gomes, Justin De Almeida Pires, Fabian Biedermann, Marco Oehri, Ridvan Kardesoglu, Felix Gritsch, Matthias Quaderer, Jonas Strunk, Kieran Walser, Samuel Cernadas Gallardo, Alexandar Ubavic, Daniel Sobkova, Lucas Eberle
CB Trun Rabius: Livio Lozza, Damian Schmed, Lucas Maissen, Livio Janka, Mirco Pfister, Rovin Schmed, Mathias Flepp (C), Silvan Muoth, Clau Berther, Andri Carigiet, Gianin Derungs, – reservas: Lucas Seiler, Sandro Orlik, Beat Cadruvi, Tizian Duff, Patrizio Decurtins, Mattias Candinas
remarcas: CB Trun/Rabius senza, Ramon Orlik, Geo Cauzza, Remo Alig (tuts blessai), Robin Monn, Orlando Monn, Denis Monn (absents)