La secunda davosa runda da campiunadi ha l’equipa dil CB Trun/Rabius giugau ordeifer encunter l’emprema equipa digl FC Schaan. Damai che l’equipa dalla Cadi ha saviu gudignar ils davos dus giugs sesanflan els uss sin in segir plaz ella tabella e san cunquei agir senza squetsch. Il CB Trun/Rabius ha entschiet bein la partida e saviu marcar gia ella 6avla minuta gl’emprem gol entras Ramon Orlik suenter in culp liber dad Orlando Monn. L’equipa da casa ha denton buca spitgau ditg e mussau ina reacziun ed aschia ein els vegni d’egualisar quater minutas suenter il giug. Silsuenter ha l’equipa da Trun/Rabius anflau anavos meglier el giug ed ei vegnida tier enqual schanza. Il davos quart d’ura avon pausa ei il surpli da schanzas staus tier l’equipa dil Principadi da Liechtenstein.
Paucas minutas suenter pausa ha l’equipa da Schaan priu enta maun la partida e marcau il gol per ir en avantatg e vinavon teniu ault la cadenza. Igl adversari scheva circular bein il bal en sias retschas ed aschia ein ils giugadurs dil CB Trun/Rabius vegni sut squetsch. Il resultat da quei ei stau dus ulteriurs gols per igl adversari enteifer otg minutas – quei ch’ei stau il resultat final.
Damai ch’igl adversari ei staus fetg ferms, ha il CB Trun/Rabius buca saviu tener cun sur 90 minutas ed aschia buca vegnius da recaltgar puncts.
3. ligia gruppa 1; FC Schaan 1 : CB Trun/Rabius 4:1 (1:1)
gols: 6’ Ramon Orlik, 10’ Matias Antunovic, 47’ Daniel Sobkova, 71’ Riccardo Licci, 79’ Lucas Alves Gomes
CB Trun/Rabius 1 Grp.: Mauro Alig, Orlando Monn, Lucas Maissen, Ramon Orlik, Damian Schmed, Elia Schmed (70’ Patrizio Decurtins), Silvan Muoth (54’ Salvatore Stagliano), Mathias Flepp, Daniel Pfister (54’ Denis Monn), Robin Monn, Gianin Derungs
FC Schaan 1: Jonas Strunk, Justin De Almeida Pires, Leo Loos, Fabio Quaderer, Andrej Petrovic, Liam Kranz, Fabian Biedermann, Riccardo Licci, Matias Antunovic, Marco Oehri, Matthias Quaderer
remarcas: CB Trun/Rabius senza Livio Janka, Fabio Caduff, Remo Alig, Mirco Pfister, Sandro Orlik