Per la tiarza davosa runda dil campiunadi ha il CB Trun/Rabius giu da giugar a casa encunter l’equipa da Buchs che sesanfla sil davos plaz ella tabella. Aschia che l’emprema equipa dil CB Trun/Rabius ha malegiau ô bunas schanzas da gudignar. Duront las empremas minutas ei il giug staus fetg ulivs. Silsuenter ei l’equipa indigena vegnida meglier el giug ed aschia era tier zacontas schanzas. Ella 33avla minuta vegn il CB Trun/Rabius lu tier igl emprem gol. Suenter ina flanca vegn Mathias Flepp da dar in bi pass sin Lucas Maissen che vegn da marcar il gol. Entochen pausa ei la partida stada ualti ulivada cun in pign avantatg per l’equipa da casa.
Suenter pausa ha il CB Trun/Rabius entschiet meglier ch’igl adversari ed aschia vegni en la 65avla minuta da marcar il 2:0 tras Gianin Derungs, suenter in sbagl ella defensiun dils hosps. Encunter la fin ei il giug aunc vegnius inaga interessants, suenter ch’in giugadur da Buchs ha saviu scursanir il resultat cun in siet cul tgau ord biebein 15 meters. Mo la reacziun dil CB Trun/Rabiu ha bcau schau spitgar ditg ed aschia ein els vegni 5 minutas suenter tier il 3:1 tras Daniel Pfister. Silsuenter ein ils indigens aunc vegni tier bunas schanzas ed aunc tier in siet ella petga tras Elia Schmed. Cun quels impurtons 3 puncts vegn il CB Trun/Rabius da tener la posiziun el miez dalla tabella ed aschia schon bunamein segir restar en 3. liga.
3. ligia gruppa 1; CB Trun/Rabius – FC Buchs 1b 3:1(1:0)
gols: 33’ Lucas Maissen 1:0, 65’ Gianin Derungs 2:0, 80’ Ivan Carkic 2:1, 85’ Daniel Pfister 3:1
CB Trun/Rabius: Mauro Alig, Orlando Monn, Lucas Maissen, Ramon Orlik, Damian Schmed, Denis Monn (62’ Clau Berther), Salvatore Stagliano (67’ Silvan Muoth), Mathias Flepp, Daniel Pfister, Patrizio Decurtins (50’ Robin Monn), Gianin Derungs (89’ Elia Schmed)
FC Buchs 1b: Dominic Wood, Nikola Ugrica, Silvan Bieri, Philipp Kolbe, Tolga Han Ünlü, Salen Skedieri, Riadh Debbah, Mateo Sibona, Milorad Nikolic, Callum Ormond, Ivan Carkic
remarcas: CB Trun/Rabius senza Livio Janka, Fabio Caduff, Remo Alig, Mirco Pfister, Beat Cadruvi, Sandro Orlik